Міёрскі раённы выканаўчы камітэт
Наступнае пасяджэнне Усебеларускага народнага сходу плануецца правесці ўжо пасля прэзідэнцкіх выбараў. Адпаведная пазіцыя была агучана Прэзідэнтам Беларусі, старшынёй ВНС Аляксандрам Лукашэнкам на пасяджэнні Прэзідыума ВНС, перадае карэспандэнт БЕЛТА.
Аляксандр Лукашэнка нагадаў, што 26 студзеня ў краіне пройдуць прэзідэнцкія выбары, і выказаўся наконт распрацоўкі праграмы, якую прадставяць увазе грамадзян. "Паколькі ў нас ёсць пэўнае адзінства, праграма дзейнага Прэзідэнта, якая распрацоўваецца сёння ўсімі намі, - гэта будзе арыенцір у студзені, нават у снежні, для ўсяго беларускага народа. А вось дэталізаваць на аснове гэтай праграмы заданні на наступны год і, магчыма, погляд на пяцігодку мы зможам пасля прэзідэнцкіх выбараў", - сказаў кіраўнік дзяржавы.
Па завяршэнні мерапрыемства кіраўнік Адміністрацыі Прэзідэнта Беларусі Дзмітрый Крутой пацвердзіў, што, хутчэй за ўсё, будзе прынята рашэнне правесці наступнае пасяджэнне ВНС ўжо пасля прэзідэнцкіх выбараў: "Таму што зараз ідзе выбарчая кампанія. Проста няма сэнсу адцягвацца на гэтыя пытанні. Па-другое, як Прэзідэнт сказаў, будзе падрыхтавана (і ён зараз над ёй працуе) выбарчая праграма з асноўнымі пасылкамі".
"Далей Прэзідэнт пачне падрыхтоўку да Звароту. Гэта ў нас традыцыйна вясна. Я б зараз не хацеў называць канкрэтныя даты і месяцы, яны не вызначаны. А напярэдадні пасяджэння ВНС будзе яшчэ раз сабраны Прэзідыум, каб узгадніць пазіцыі і ўжо канчаткова сагласаваць тыя пытанні, якія будуць выносіцца на ВНС. Мне здаецца, цалкам простая і празрыстая канструкцыя", - дадаў Дзмітрый Крутой.