Міёрскі раённы выканаўчы камітэт
Прэзідэнты Беларусі і Расіі Аляксандр Лукашэнка і Уладзімір Пуцін сустрэліся на востраве Валаам (Ладажскае возера) у Карэліі, перадае карэспандэнт БЕЛТА.
На тэрыторыі Спаса-Перавобразнага Валамскага мужчынскага манастыра кіраўнікі дзяржаў наведалі храм Смаленскай іконы Божай Маці на тэрыторыі Смаленскага скіта.
Затым прэзідэнты зайшлі ў капліцу Царскіх Пакутнікаў.
Аляксандр Лукашэнка і Уладзімір Пуцін працягнулі размову ў закрытым фармаце.
Прэзідэнт Беларусі знаходзіцца з працоўным візітам у Расіі. Плануюцца перамовы ў розных фарматах з Уладзімірам Пуціным. Кіраўнікі дзяржаў абмяркуюць актуальныя пытанні развіцця беларуска-расійскіх адносін, развіццё саюзных праектаў, тэматыку рэгіянальнай бяспекі і міжнародную агенду.
Кіраўнікі дзяржаў раней ужо двойчы разам наведвалі гэты востраў. У мінулым годзе - таксама ў ліпені - яны наведалі размешчаны на востраве Спаса-Перавобразны Валамскі мужчынскі манастыр.
А ўпершыню Аляксандр Лукашэнка і Уладзімір Пуцін разам былі на Валааме ў ліпені 2019 года.
Валамскі манастыр - адзін з самых шанаваных у Расіі. Штогод абіцель наведваюць больш за 100 тыс. паломнікаў і турыстаў.
Дакладная дата заснавання Валаамскага манастыра невядомая. Паводле адной з летапісных версій, месца для манастыра было пазначана апосталам Андрэем Першазваным у I стагоддзі. Паводле іншай версіі, час заснавання – X–XI стагоддзі. Згодна з дакументальнымі крыніцамі, заснаванне манастыра адбылося ў 1407 годзе. Гэтае згадваецца ў «Апавяданні пра Валаамскі манастыр». Асаблівы росквіт манастыра прыпадае на XV–XVI стагоддзі. У тыя часы колькасць манахаў у манастыры дасягнула 600 чалавек.
У наступныя гады ішло архітэктурнае развіццё манастыра, але ён неаднаразова пакутаваў ад разбурэнняў, у прыватнасці падчас войнаў Расіі са Швецыяй, а таксама ў выніку пажару. Да XIX стагоддзя Валаамскі манастыр зноў дасягнуў росквіту. Многія архітэктурныя будынкі былі ўзведзены менавіта ў гэты перыяд. Яны захаваліся да нашых дзён і лічацца аб'ектамі гісторыка-культурнай спадчыны.
Пасля савецка-фінскіх ваенных дзеянняў Валаамскі архіпелаг зноў перайшоў у валоданне Расіі. Будынак пачалі выкарыстоўваць для грамадзянскіх патрэб. У 60-я гады мінулага стагоддзя ўлады пачалі арганізоўваць экскурсійныя туры для тых, хто жадаў убачыць Валаам. З 1979 года працуе музей-запаведнік.
Былое жыццё ў манастыры пачало аднаўляцца з 1989 года. Асноўныя будынкі перададзены Ленінградскай епархіі. Першыя манахі прыйшлі ў снежні 1989 года. Іх было 6 чалавек.
Сёння на тэрыторыі Валаамскага манастыра адноўлены ўсе архітэктурныя збудаванні.