Міёрскі раённы выканаўчы камітэт

8 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка назначыў Уладзіміра Перцова намеснікам кіраўніка Адміністрацыі Прэзідэнта, перадае карэспандэнт БЕЛТА.

Да гэтага часу Уладзімір Перцоў працаваў на пасадзе міністра інфармацыі Беларусі.

"Ідэалагічная работа сёння выходзіць на першы план. І прынята рашэнне аб накіраванні вас у Адміністрацыю Прэзідэнта на пасаду кіраўніка інфармацыйнай вось гэтай сферы наогул у краіне. Назначаючы тут намесніка кіраўніка Адміністрацыі па эканоміцы (вы, напэўна, адсачылі), я яму гаварыў, што нам трэба неяк сканцэнтравацца і вывесці, выбудаваць піраміду. Шмат спецыялістаў добрых - міністэрствы, ведамствы, ва ўрадзе - і вывесці на намесніка Адміністрацыі Прэзідэнта работу ў эканоміцы. Гэтак жа трэба падцягнуць, прывесці ў парадак сродкі масавай інфармацыі ўсе, ідэалагічную работу і вывесці на намесніка кіраўніка Адміністрацыі Прэзідэнта. Можа быць, нават мець камісію нейкую пад сваім кіраўніцтвам, каб параіцца, своечасова адрэагаваць", - заявіў кіраўнік дзяржавы.

Аляксандр Лукашэнка адзначыў наяўнасць у Уладзіміра Перцова добрага вопыту ў інфармацыйнай сферы. Раней ён у тым ліку працаваў кіраўніком радыё і тэлебачання на абласным узроўні, узначальваў прадстаўніцтва МТРК "Мір" у Беларусі. "Вельмі салідная, паважаная мною кампанія. Заўсёды да яе добра ставіўся. Як раз ваш перыяд, калі гэтая кампанія ўзнялася", - заўважыў кіраўнік дзяржавы.

"Хацелася б, каб у нас у Беларусі гэта ўсё было прыведзена ў парадак. Я маю на ўвазе ідэалагічную работу. Вы можаце размаўляць з людзьмі. Гэта рэдкасць для чалавека. Я заўсёды кажу, што штучны тавар, калі чалавек можа весці ідэалагічную работу. Не проста прыйсці, як у нас калісьці ў чацвер быў інфармацыйны палітдзень: трэба - не трэба, хто можа - не можа, пагаварылі і, часцяком, на шкоду", - сказаў Прэзідэнт.

"Думаю, што вось гэты радыкальны крок - з пасады міністра на кіраўніка сродкаў масавай інфармацыі, ідэалагічнай работы ў краіне - гэта патрэбны і карысны ў дадзеным напрамку крок, - адзначыў Аляксандр Лукашэнка. - Работы будзе вельмі шмат. Але гэта вельмі самастойная праца. Не трэба думаць, што тут хтосьці - ці кіраўнік Адміністрацыі, ці хтосьці - будзе працу весці гэту. Не, гэта выключна ваша арганізацыйная праца. І кіраўнік Адміністрацыі, усе астатнія, я ў тым ліку, будзем вам дапамагаць. Але гэту працу трэба выбудаваць. Я спадзяюся, што вы гэта зробіце".

Крыніца: belta.by