9 красавіка на базе Чэпукоўскай сярэдняй школы адбыўся адкрыты дыялог «Свет прыгожы без вайны!», прысвечаны Міжнароднаму дню вызвалення вязняў фашысцкіх канцлагераў.
У дыялогу прынялі ўдзел Аляксандр Жук — намеснік старшыні раённага выканаўчага камітэта, Аксана Ашурка — начальнік аддзела ідэалагічнай работы і па справах моладзі раённага выканаўчага камітэта, Максім Філіповіч — старшыня Моладзевага савета пры Міёрскім раённым Савеце дэпутатаў.
Ганаровым госцем мерапрыемства стала Людміла Бялевіч — вязень фашысцкага канцлагера, якая падзялілася успамінамі сваёй маці пра зверствы і гвалт нямецкіх захопнікаў, пра веру людзей у вызваленне і перамогу над фашызмам, пажадала хлопцам і дзяўчатам берагчы мір на роднай зямлі, захоўваць памяць пра ветэранаў, гісторыю сваёй краіны.