Міёрскі раённы выканаўчы камітэт
Шумнае і вясёлае свята "Масленіца" адбылося на плошчы Леніна ў Міёрах.
У рамках гуляння адбылося тэатралізаванае гульнявое прадстаўленне, падрыхтаванае Міёрскім цэнтрам культуры і народнай творчасці. Песні, скокі, карагоды, гульні і конкурсы выклікалі цікавасць не толькі ў дзяцей, але і ў дарослых. Народныя забавы і забіяцкі смех - упрыгожвалі праводзіны зімы і надавалі асаблівую весялосць народным гулянням.
Яркія выступленні народнага фальклорнага калектыву "Язынка" і "Іставіца", атрымалі гарачы водгук у гледачоў
Знайшліся смельчакі, якія пакарылі масленічны слуп і атрымалі каштоўныя падарункі.
Для ўсіх гасцей працавалі выставы-продажы вырабаў народных майстроў, інтэрактыўныя пляцоўкі, праводзіліся спартыўна-гульнявыя спаборніцтвы і майстар-класы. І якая ж Масленіца без дэгустацыі бліноў і гарачай гарбаты. Кульмінацыяй свята стала спаленне пудзіла