Міжнародны дзень памяці ахвяр генацыду
У Міжнародны дзень памяці ахвяр генацыду 9 снежня, паводле рэзалюцыі Генеральнай Асамблеі ААН, свет успамінае ахвяр злачынства генацыду, шануе іх годнасць і нагадвае пра важнасць папярэджання падобных трагедый.
На Міёршчыне прайшлі ўрачыстыя мерапрыемствы. У Дзісне каля брацкай магілы яўрэяў, расстраляных фашыстамі ў чэрвені 1942 года, адбыўся мітынг-рэкіем. Кіраўніцтва раёна, прадстаўнікі працоўных калектываў і вучні мясцовай школы аддалі даніну памяці хвілінай маўчання і склалі кветкі да помніка.