Сёння ўсе дарогі вялі ў Чэраскі СДК. Тут у прыемнай атмасферы, сярод мора ўсмешак, ушанавалі працаўнікоў вёскі.
Вітаў работнікаў аграпрамысловага комплексу старшыня раённага выканаўчага камітэта Аляксандр Яраховіч:
Ваш труд у сельскай гаспадарцы і перапрацоўчай прамысловасці бесцэнны. Кожны дзень вы ўкладаеце сілы і душу ў справу, якая патрабуе вялікай самааддачы. Асаблівая падзяка тым, хто сёння ў зале, і тым, хто нават у святочны дзень застаецца на працоўных месцах. Вы не толькі працуеце, але і выхоўваеце дзяцей, перадаеце ім свой досвед, будуеце будучыню нашай краіны.
Падвёў вынікі сельскагаспадарчага года і выказаў словы падзякі працаўнікам вёскі намеснік старшыні раённага выканаўчага камітэта Іван Юрашэка.
Кіраўнікам гаспадарак і іх работнікам уручылі ўзнагароды і падарункі.