Намеснік старшыні Віцебскага аблвыканкама Вячаслаў Дурноў правёў прыём грамадзян і адказаў на тэлефонныя пытанні ў Міёрскім раённым выканаўчым камітэце.
Да яго звярнулася міарчанка па пытанні афармлення дакументаў на дом. Вячаслаў Віктаравіч даручыў адказным службаў дэталёва вывучыць сітуацыю і даць адказ заяўніку.
Таксама намеснік старшыні Віцебскага аблвыканкама Вячаслаў Дурноў вывучыў аб'ём работ у межах падрыхтоўкі да абласнога фестывалю-кірмашу працаўнікоў вёскі «Дажынкі», які Міёры прымуць у 2026 годзе. Намеснікі старшыні раённага выканаўчага камітэта Аляксандр Жук і Яўген Мікалаёнак расказалі пра бягучае становішча спраў і пра перспектывы развіцця рэгіёна перад святам.