Міністр сельскай гаспадаркі і харчавання Юрый Горлаў здзейсніў рабочую паездку на Міёршчыну.
Ён наведаў шэраг гаспадарак, дзе азнаёміўся з ходам уборачнай кампаніі і звярнуў увагу на тое, што аграрыі Віцебшчыны працуюць у складаных умовах.
Першым пунктам маршруту стаў філіял «Павяцце», дзе Юрый Горлаў абвясціў удзячнасць Міністэрства сельскай гаспадаркі і харчавання трактарысту-машыністу Юрыю Мутору. У урочышчы Чамёры ўбіралі азімую пшаніцу, ураджайнасць якой дасягае 35 ц/га. Старшыня Міёрскага раёна Аляксандр Ярахновіч інфармаваў, што ўсяго станам на раніцу ў гаспадарцы ўбрана 458 га, занятых пад зеравымі, валовы намалот склаў 1 352 тоны. На рахунку сельскагаспадарчага прадпрыемства таксама 231 га і 238 тон рапсу.
Міністр адзначыў, што выкарыстанне гусенічных камбайнаў апраўдана ў умовах высокай вільготнасці глебы, але дадзеную сітуацыю лепш прадухіліць. Звярнуў увагу на тое, што аграрыям Віцебскай вобласці варта выкарыстоўваць глыбокія рыхліцелі, на што звяртаў увагу Глава дзяржавы.