Старшыня Рэспубліканскага камітэта Беларускага прафсаюза работнікаў АПК Васіль Хватік падзякаваў хлябаробам філіяла «Паўяцце» за працу ў складаных умовах.
6 жніўня разам са старшынёй галіновай абласной арганізацыі Таццянай Дзікановай наведалі Міёрскі раён і віншавалі перадавікоў жацьвы.
Сітуацыя складаная, асабліва на Віцебшчыне, што абумоўлена надворнымі ўмовамі. Але хлеб трэба сабраць! – падкрэсліў Васіль Міхайлавіч і адзначыў рацыянальны падыход кіраўніцтва сельгаспрадпрыемства да арганізацыі уборачнай кампаніі.
Сертыфікаты на падарункі ад рэспубліканскага камітэта Беларускага прафсаюза работнікаў АПК атрымалі ўдзельнікі моладзевага экіпажа Ілля Мароз і Уладзіслаў Драбо. Ілля працуе ў гаспадарцы трынаццаць гадоў, Уладзіслаў вучыцца ў БГСХА па цэлявым напрамку і праз год вернецца сюды інжынерам. Сярод лідараў і механізатар Юрый Франкевіч. Ён ужо дасягнуў пенсійнага ўзросту, але працягвае працаваць, падстаўляючы моладзі надзейнае плячо. Цяжкасці не палохаюць хлебаробаў.