Палата прадстаўнікоў Нацыянальнага сходу, паўнамоцны прадстаўнік главы дзяржавы ў Віцебскай вобласці Ігар Сяргейчанка з рабочай паездкай наведвае Міорскі раён
У полі зроку - ход уборкі травяністых кармаў.
Ігар Пятровіч знаёміцца з арганізацыяй загатоўкі кармаў для буйной рагатай жывёлы. Яго суправаджае старшыня Міёрскага раёна Аляксандр Ярахновіч.
Першая кропка маршруту - ААТ "Любінава". Кіраўнік ААТ "Любінава" Васіль Ефімаў запэўніў: будзем з кормамі! У гаспадарцы ўсе сілы кінуты на загатоўку кармаў. Задзейнічаны два кармадробільнікі, два грабкі і шэсць адзінак на адвозцы, у тым ліку прыцягнутыя з іншых арганізацый. Скашана 446 га, а гэта 60 працэнтаў.
Загатоўлена 2933 тонны сенажу, што складае 7,14 т к. а. на галаву. А гэта вышэй за сярэдняраённы паказчык. Завершыць першы ўкос травы плануецца на працягу 10-12 дзён.
Таксама Ігар Сяргейка пацікавіўся тэхналогіяй закладкі сенажнай траншэі і ўмовамі змяшчання цялят на вырашчванні, рамонтам тэхнікі.
Другая кропка маршруту - ДУП "Чарэсы". Пабывалі на полі, дзе загатоўваюць сена. Задзейнічаны МАЗ, чатыры ПІМы, тры косаркі і два прэсы.
Сена загатоўваюць у рулонах, паколькі тэхналогія ўпакоўкі ў стрэйч-плёнку патрабуе дадатковых выдаткаў. У дадзеным выпадку яны неабгрунтаваны.
Таксама Ігар Пятровіч пацікавіўся станам спраў у гаспадарцы.
Дырэктар Алег Януковіч расказаў, што сельскагаспадарчае прадпрыемства забяспечвае сваю фінансава-гаспадарчую дзейнасць.