На сесіі раённага Савета дэпутатаў прадстаўлены новы кіраўнік Мёрскага раёна Аляксандр Ярахновіч.
На 14-й позачарговой сесіі Міёрскага раённага Савета дэпутатаў з дазволу Прэзідэнта Рэспублікі Беларусь Аляксандра Лукашэнкі на пасадзе старшыні Міёрскага раённага выканаўчага камітэта зацверджаны Аляксандр Ярахновіч.
Старшыня Віцебскага абласнога выканаўчага камітэта Аляксандр Міхайлавіч Субота ўручыў новаму кіраўніку службовы пашпарт і паставіў перад ім канкрэтныя задачы: максімальна хутка разабрацца ў сітуацыі і вызначыць кропкі росту, дзе можна надаць паскарэнне развіццю раёна. «Трымайце руку на пульсе! Раён выдатны, помнікаў і цікавых месцаў вялікая колькасць, зямля ўрадлівая, людзі добрыя. Таму тут павінны быць і міні-вытворчасці, і прамысловыя, і аграрныя. Людзей беражыце», — пажадаў Аляксандр Субота.
Аляксандр Субота адзначыў, што папярэдні кіраўнік — Сяргей Сямёнычаў — унёс значны ўклад у сацыяльна-эканамічнае развіццё Міёршчыны. У 2024 годзе раён выканаў паказчыкі па вытворчасці прамысловай прадукцыі, інвестыцыях у асноўны капітал, номінальнай начысленай сярэднемесячнай заработнай плаце, сукупным паступленні даходаў у кансалідаваны бюджэт, экспорце тавараў і паслуг, увядзенні ў эксплуатацыю жылля за кошт усіх крыніц фінансавання, рознічным тавараабароце. Кіраўнік вобласці падзякаваў Сяргею Сямёнычаву за працу і ўручыў Ганаровую граматы аблвыканкама.