У Міёрскім раёне актыўна праводзіцца збор манет у рамках праекта па стварэнні і ўсталяванні помнікаў «Жывая памяць удзячных пакаленняў», які рэалізоўваецца па ініцыятыве дабрачыннага фонду Аляксея Талая.
Старшыня Міёрскага раённага выканаўчага камітэта Сяргей Сямёнычаў і дэпутат абласнога Савета дэпутатаў Іван Сушка, а таксама кіраўнікі і прадстаўнікі грамадскіх арганізацый “БРСМ”, "БРПО", ветэранская арганізацыя і Моладзевая палата падтрымалі праект Аляксея Талая “Жывая памяць удзячных пакаленняў”.
Два помнікі ўжо ўстаноўлены ў Мінску і Брэсцкай крэпасці, а трэці з'явіцца ў Маскве на Паклоннай гары.
Прыняць удзел у стварэнні помніка можа кожны! Збор манет у Міёрскім раёне працягнецца да 31 сакавіка (Міёрская цэнтральная раённая бібліятэка)