Ад сэрца да сэрца!
Абласная арганізацыя АА «Беларускі саюз жанчын» арганізавала для жанчын Віцебшчыны мерапрыемства «Ад сэрца да сэрца!»
Перад восеньскім святам ушаноўвалі самых яркіх, актыўных і заслужаных жанчын вобласці, прадстаўніц раённых арганізацый. У мерапрыемстве прынялі ўдзел і прадстаўніцы Міёрскага раёна: - Марыя Мікалаеўна Баніфатава - усё працоўнае жыццё аддала працы з людзьмі, шмат гадоў кіравала раённай арганізацыяй АА «БСЖ» і зараз актыўна займаецца грамадскай дзейнасцю, - Галіна Барысаўна Гурава - больш за 40 гадоў працавала ў адукацыі, старшыня раённай арганізацыі ветэранаў. Атмасфера ўтульнасці, дабрыні, музыка і прыемныя размовы падарылі ўсім прыгожым жанчынам выдатны настрой і душэўнае цяпло.