Сяргей Мелешкін з рабочым візітам наведаў Міёрскі раён
Падчас паездкі ў рэгіён член Савета Рэспублікі Нацыянальнага сходу Рэспублікі Беларусь, начальнік Віцебскага абласнога ўпраўлення МНС Сяргей Мелешкін правёў асабісты прыём грамадзян у Туркоўскім сельскім выканаўчым камітэце, а таксама сустрэўся з насельніцтвам сельсавета.
Сустрэчу з мясцовым насельніцтвам Сяргей Мікалаевіч пачаў са значнай падзеі для беларусаў – 30-годдзя інстытута Прэзідэнцтва Рэспублікі Беларусь.
Наша краіна з'яўляецца адной з самых маладых прэзідэнцкіх рэспублік сярод больш за 150 дзяржаў. У Рэспубліцы Беларусь гэты інстытут быў уведзены 30 гадоў таму. Сёння ёсць слушная нагода ацаніць не толькі сучаснасць, але і мінулае суверэннай Беларусі, каб усвядоміць, з якога нелегкага «стартавага матэрыялу» ўдалося пабудаваць незалежную і суверэнную краіну, накіраваную ў будучыню.
«Сам час паказаў, наколькі мудрым і слушным аказалася прынятае народам рашэнне, якое дапамагло пабудаваць і развіць моцную і незалежную дзяржаву са сваімі традыцыямі і каштоўнасцямі. За гэтыя гады дзякуючы бацькоўскім настаўленням Галавы дзяржавы Беларусь і яе людзі склаліся як нацыя, знайшлі сваю гістарычную Радзіму. Праяўляючы клопат, справядлівасць і цярпенне, Прэзідэнт Беларусі А.Г. Лукашэнка асабістым прыкладам паказаў усяму свету, што значыць любіць сваю краіну і народ, быць адданым Айчыне», – адзначыў кіраўнік.
Сустрэча не абыйшлася і без пытанняў, якія тычацца бяспекі жыццядзейнасці. Сяргей Мелешкін заклікаў кожнага быць уважлівым да асабістай бяспекі і бяспекі сваіх блізкіх, не пакідаць без увагі рэкамендацыі спасальнікаў і іншых суб'ектаў прафілактыкі.