Кіраўніцтва Міёрскага раёна віншуе з Праваслаўнай Пасхай

Шаноўныя жыхары Міёрскага раёна!

Прыміце самыя шчырыя віншаванні са святам Уваскрасення Хрыстова!

На працягу многіх стагоддзяў Светлая Пасха дапамагае захаваць духоўныя хрысціянскія традыцыі – любоў да роднай зямлі, згуртаванасць і адзінства народа, заклікае цаніць каштоўны дар жыцця, прабуждае да добрых думак і ўчынкаў. Велікодныя сямейныя традыцыі аб'ядноўваюць людзей, ствараюць асаблівую атмасферу ў кожным доме.

Безмежная, жыццяцвярджальная вера заўсёды была і застаецца духоўным стрыжнем праваслаўных хрысціян, крыніцай невычэрпнай сілы і энергіі.

Няхай святло гэтага вялікага свята ніколі не згасае ў вашых сэрцах, прынясе з сабой радасць і душэўны спакой, натхніць на добрыя справы, стваральную працу і міласэрныя ўчынкі на карысць сваёй сям'і і роднага краю, напоўніць кожны дом узаемаразуменнем, падтрымкай і дабрабытам.

Няхай кожны з вас сустрэне гэты дзень з чыстай душой і верай у лепшае.

Шчыра жадаем вам, вашым родным і блізкім моцнага здароўя, міру, дабра і дабрабыту!

Раённы выканаўчы камітэт

Раённы Савет дэпутатаў