Запрашаем прыняць удзел у міжнароднай экалагічнай акцыі «Гадзіна Зямлі - 2024»

30 сакавіка ў 16-ы раз пройдзе штогадовая грамадская акцыя "Гадзіна Зямлі". Усе, хто не абыякавы, могуць прыняць удзел у акцыі і адключыць святло на 1 гадзіну з 20.30 да 21.30!

Адключы святло на адну гадзіну – праяві клопат пра планету!

Адключыць святло на гадзіну вельмі проста, але нават за такім сімвалічным учынкам стаіць магчымасць дапамагчы планеце, змяніўшы свае штодзённыя звычкі. Выключэнне святла на адну гадзіну дазваляе знізіць шкодныя выкіды ў атмасферу Зямлі і дае магчымасць кожнаму, хто не абыякавы, унесці свой уклад у захаванне энергіі і захаванне клімату нашай планеты. Мэты і задачы акцыі накіраваны на прыцягненне ўвагі грамадскасці да пытанняў энергазберажэння і экалогіі і адпавядаюць палітыцы, якая праводзіцца ў рэспубліцы, па павышэнні энергаэфектыўнасці і замацаванні ў грамадстве псіхалогіі эканоміі і беражлівасці.

Віцебская вобласць, як і ўся Беларусь, не стаіць у баку. Штогод прадпрыемствы, установы і арганізацыі далучаюцца да акцыі. Традыцыйна найбольш актыўны ўдзел у акцыі прымаюць установы адукацыі і культуры вобласці. Яны арганізуюць конкурсы малюнкаў і плакатаў, тэматычныя дыскатэкі, інфармацыйныя лекцыі, кніжна-ілюстрацыйныя выставы.

На падтрымку акцыі ў Віцебску і Віцебскай вобласці на адну гадзіну адключаюць падсвятленне адміністрацыйных будынкаў, дэкаратыўнае падсвятленне рэкламных аб'яў, знешняга асвятлення, складскіх і бытавых памяшканняў устаноў адукацыі, аховы здароўя, культуры, прадпрыемстваў гандлю, вытворчых прадпрыемстваў.

Да акцыі далучаюцца жыхары і супрацоўнікі арганізацый. Паколькі гэта дабраахвотная акцыя, людзі самі вырашаюць, колькі і якія электрапрыборы яны выключыць. Адключыць святло на гадзіну вельмі проста. Але за гэтым сімвалічным учынкам стаіць магчымасць дапамагчы сваёй планеце.

У мэтах бяспекі не рэкамендуецца адключаць вулічнае асвятленне, аэранавігацыйныя агні і святлафоры.

Праяўляйце беражлівыя адносіны да сваёй Зямлі!

Як? Напрыклад, эканомна выдаткоўваць электраэнергію і цяпло, беражліва адносіцца да вады і зрабіць выбар на карысць другаснай перапрацоўкі паперы і іншых матэрыялаў, тым самым зніжаючы выкіды парніковых газаў.