Міёрскі раённы выканаўчы камітэт
У Рэспубліцы Беларусь уведзены новы від пенсійнага страхавання – дабравольнае страхаванне дадатковай назапашвальнай пенсіі з фінансавай падтрымкай дзяржавы!
Новая дабравольная пенсійная праграма – гэта ў будучыні дадатковая крыніца даходу для грамадзян, якая будзе дапаўненнем да гарантаванай дзяржаўнай працоўнай пенсіі па ўзросце і не закранае дзяржаўныя абавязацельствы па салідарнай пенсійнай сістэме.
Удзельнічаць у дадзенай праграме могуць працуючыя грамадзяне, за якіх выплачваюцца абавязковыя страхавыя ўзносы і якія не дасягнулі наступнага ўзросту: жанчыны – 55 гадоў, мужчыны – 60 гадоў.
Працаўнік, які прыняў рашэнне ўдзельнічаць у дадзеным страхаванні, заключае дагавор з дзяржаўным прадпрыемствам «Стравіта». Падаць заяву і заключыць дагавор можна пры асабістым візіце ў офісе гэтага прадпрыемства або на яго сайце.
Працаўнік самастойна выбірае тарыф узносаў, але не больш за 10% ад фактычнага заработку. Гэта значыць, разам з 1% абавязковых страхавых узносаў на пенсійнае страхаванне ў бюджэт фонду працаўнік будзе дабравольна плаціць дадатковы ўнёсак на назапашвальную пенсію па выбраным тарыфе.
Пасля заключэння дагавора і прадстаўлення работніку копіі пасведчання дадатковага назапашвальнага пенсійнага страхавання неабходна паведаміць свайму працадаўцу.
Далей да аплаты узносаў далучаецца працадаўца, які будзе абавязаны плаціць страхавы ўнёсак на назапашвальную пенсію – соразмерна тарыфу ўзносу працаўніка, але не больш за 3%. Напрыклад, калі працаўнік выбірае тарыф узносаў на назапашвальную пенсію ў памеры 3% ад заработнай платы, працадаўца далучаецца таксама ў памеры 3%. У выніку назапашванні гэтага працаўніка на назапашвальную пенсію складуць 6% ад яго заработнай платы.
Пры гэтым выдаткі працадаўцы на аплату пенсійных узносаў у бюджэт фонду не павялічваюцца. У гэтым і заключаецца дзяржаўнае сафінансаванне індывідуальных назапашванняў грамадзян на будучую пенсію.
Працаўнік мае права адзін раз у год змяняць памер страхавога тарыфу, прыпыняць (аднаўляць) удзел у дабраахвотным страхаванні назапашвальнай пенсіі.
Дадатковыя ўзносы працаўніка на назапашвальную пенсію па яго заяве будуць штомесячна пералічвацца самім працадаўцам.
Працаўніку прадугледжваецца льгота пры разліку падатку на даходы на суму, якую ўтрымліваюць з яго заработнай платы для пералічэння ў дзяржаўнае прадпрыемства «Страўіта».
Дадатковая назапашвальная пенсія будзе выплочвацца пры дасягненні пенсійнага ўзросту за кошт назапашаных узносаў і даходаў ад іх інвеставання. Тэрмін атрымання дадатковай назапашвальнай пенсіі складае 5 або 10 гадоў – па выбары працаўніка.
Назапашаная і не выплачаная сума назапашвальнай пенсіі пераходзіць у спадчыну.
«Пяклаванне аб будучай пенсіі павінна стаць звычкай для кожнага чалавека. Толькі ў гэтым выпадку ў старасці можна мець камфортны ўзровень даходу, які дазваляе весці лад жыцця, адпаведны асабістым чаканням».