Кіраўніцтва Міёрскага раёна накіравала віншаванне з нагоды Дня настаўніка

Шаноўныя работнікі сістэмы адукацыі, ветэраны педагагічнай працы!

Віншуем вас з прафесійным святам – з Днём настаўніка!

Вы прысвячаеце сваё жыццё выхаванню і адукацыі маладога пакалення. Праца настаўніка – адна з самых важных і шляхетных на Зямлі, гэта сапраўднае пакліканне, да якога трэба падыходзіць толькі з адкрытым сэрцам і ўсёй дабрынёй душы.

Прафесіяналізм, любоў да дзяцей і актыўная грамадзянская пазіцыя кожнага з вас заслугоўваюць вялікай удзячнасці і павагі. Гэта моцны фундамент далейшага дабрабыту і адзінства нашага народа.

Выказваем шчырую ўдзячнасць ветэранам педагагічнай працы, якія ўсё сваё жыццё прысвяцілі гэтай шляхетнай прафесіі, аддаючы сваім вучням усе свае веды і любоў.

Шаноўныя настаўнікі, дзякуем вам за адданасць прафесіі, ваша душэўнае цяпло, мудрасць, сумленнасць і вялікае цярпенне.

Жадаем вам моцнага здароўя, аптымізму, бадзёрасці, новых творчых ідэй, павагі навакольных і шчырай удзячнасці за вашу вялікую працу.

Няхай вашы вучні будуць стараннымі, руплівымі і разам з вамі дасягаюць неверагодных вышынь і поспехаў.

Дзякуем вам за вашу шляхетную працу! Са святам! З Днём настаўніка!

Міёрскі раённы выканаўчы камітэт

Міёрскі раённы Савет дэпутатаў