Першы тысячнік на вывозцы збожжа і рапсу ўраджаю 2023 года
Сёння ў ААТ «Туркова» адзначылі кіроўцу Івана Альфрэдавіча Саутя, які першым у раёне дасягнуў мяжы ў 1000 тон па вывозе зерневых і рапсу ўраджаю 2023 года.
Старшыня Міёрскага раённага выканаўчага камітэта Ігар Кузняцоў падзякаваў кіроўцу за істотны ўклад у павелічэнне хлебакарава Міёршчыны, шматгадовую і старанную працу на карысць аграрнай галіны раёна.
Да віншаванняў далучыліся старшыня Міёрскага раённага Савета дэпутатаў Валерый Драбо, начальнік упраўлення па сельскай гаспадарцы і харчаванні раённага выканаўчага камітэта Аляксандр Шокель, начальнік аддзела ідэалагічнай работы і па справах моладзі раённага выканаўчага камітэта Аксана Ашурко, старшыня Міёрскага раённага аб'яднання прафсаюзаў Аксана Подзява, старшыня раённай арганізацыі прафсаюза работнікаў АПК Валянціна Барок, дырэктар ААТ «Туркова» Іван Юрашэк.