Адзіны дзень інфармавання прайшоў у Туркаўскім сельсавеце

Інфармацыйна-прапагандысцкія групы Міёрскага раённага выканаўчага камітэта правялі сустрэчы ў працоўных калектывах і з насельніцтвам Туркоўскага сельсавета. Асноўная тэма для абмеркавання – гістарычная памяць пра Вялікую Айчынную вайну як фактар фарміравання патрыятызму. Таксама ў цэнтры ўвагі 85-годдзе ўтварэння Віцебскай вобласці, сацыяльна-эканамічнае развіццё раёна. У парадку дня таксама пытанні правядзення з 15 па 21 мая Тыдня нулявога траўматызму, барацьба з боршчавікам Сасноўскага, прафілактыка правапарушэнняў, пажарная бяспека.

Старшыня Міёрскага раённага выканаўчага камітэта на сустрэчы з жыхарамі аграгарадка Туркова абмеркаваў хвалюючыя мясцовае насельніцтва праблемы. Сярод іх – будаўніцтва станцыі абжалезівання ў Туркове, падключэнне электраацяплення, рамонт мясцовых аўтадарог, наведзенне парадку і добраўпарадкаванне населеных пунктаў.

На большасць пытанняў, якія паступілі ад насельніцтва, дадзены кампетэнтныя адказы. Пытанні, якія патрабуюць дадатковага вывучэння, узятыя на кантроль, дадзены даручэнні па вырашэнні выяўленых праблем.