Міёрскі раённы выканаўчы камітэт
У Міёрскім райвыканкаме на пасяджэнні арганізацыйнага камітэта абмеркавалі пытанні правядзення святочных мерапрыемстваў.
Па традыцыі 25 красавіка на гарадскіх могілках у Міёрах адбудзецца жалобны цырыманіял «Радаўніца».
28 красавіка ў райцэнтры пройдуць мерапрыемствы, прысвечаныя святу працы: урачысты мітынг на плошчы Леніна, ушанаванне працаўнікоў раёна, чые партрэты занесены на Дошку гонару Міёрскага раёна па выніках працы за 2022 год, святочны канцэрт.
У рамках святкавання Дня Перамогі ў раёне запланаваны шэраг мерапрыемстваў:
5 мая - лёгкаатлетычная эстафета, прысвечаная Дню Перамогі;
5 мая – велапрабег «Па месцах баявой славы»;
9 мая - у горадзе Мiёры мітынг, святочнае шэсце, канцэртная праграма;
9 мая - у горадзе Дзісна святочнае шэсце, мітынг, святочны канцэрт.
На асаблівым кантролі знаходзіцца пытанне рамонту і добраўпарадкавання воінскіх пахаванняў, памятных месцаў.