Міёрскі раённы выканаўчы камітэт
Сёння дадзены ўрачысты старт працы Новаполацкага рэгіянальнага комплексу па абыходжанні з цвёрдымі камунальнымі адходамі. Удзел у важным для Віцебскай вобласці мерапрыемстве прынялі міністр прыродных рэсурсаў і аховы навакольнага асяроддзя Рэспублікі Беларусь Сяргей Масляк, першы намеснік Міністра жыллёва-камунальнай гаспадаркі Рэспублікі Беларусь Андрэй Бякета, намеснік старшыні Віцебскага аблвыканкама Дзмітрый Пятруша, старшыня Новаполацкага гарадскога выканаўчага камітэта Ігар Бурмістраў.
– У 2025 годзе па даручэнні ўрада Міністэрствам прыродных рэсурсаў і аховы навакольнага асяроддзя была распрацавана і зацверджана стратэгія па абыходжанні з адходамі. Асноўная мэта – гэта паступовае дасягненне да 2030 года аб'ёму выкарыстання адходаў не менш за 70% і да 2040 года аб'ёму выкарыстання адходаў не менш за 90%. За апошнюю пяцігодку на тэрыторыі нашай краіны ўведзена ў эксплуатацыю 6 рэгіянальных пляцовак і заводаў па сорціроўцы цвёрдых камунальных адходаў. Сістэма абыходжання з адходамі сфарміравана, але патрабуе пэўнай мадэрнізацыі, пачынаючы з пытанняў раздзельнага вывазу адходаў, лагістыкі, іх сорціроўкі, перапрацоўкі, а таксама захоўвання, – падкрэсліў Сяргей Масляк.
У бліжэйшыя 5 гадоў плануецца ўвесці яшчэ 7 і пачаць будаўніцтва яшчэ двух. Па выніках 11 месяцаў у Віцебскай вобласці аб'ём выкарыстання адходаў складае больш за 50%. Уведзены комплекс стаў трэцім у рэгіёне па абыходжанні з ЦКА.
На новым Новаполацкім рэгіянальным комплексе па абыходжанні з цвёрдымі камунальнымі адходамі плануецца сорціраваць да 80 тысяч тон смецця ў год. Комплекс будзе абслугоўваць Полацк і Новаполацк, а таксама тры раёны – Полацкі, Расонскі і Ушачскі.
Комплекс уключае паступовую паўаўтаматычную сорціроўку змешаных ЦКА з вылучэннем ВМР, кампаставанне, перапрацоўку моцна забруджаных палімерных адходаў, перапрацоўку габарытных і драўняных адходаў, перапрацоўку будаўнічых адходаў і тэрмічнае знішчэнне біялагічных, медыцынскіх адходаў.