Міёрскі раённы выканаўчы камітэт
Варыянты супрацоўніцтва ў сферы энергетыкі разглядаліся ў ходзе візіту ў Віцебск дэлегацыі Рэспублікі Зімбабвэ на чале з міністрам энергетыкі гэтай афрыканскай краіны панам Джулай Мёйа.
Як растлумачыў начальнік аддзела знешнеэканамічнай дзейнасці і міжнароднага супрацоўніцтва Міністэрства энергетыкі Беларусі Дзмітрый Лук'янін, у выніку дзелавой паездкі плануецца вызначыць кропкі сустрэчы інтарэсаў, якія адпавядаюць патрэбам абодвух бакоў. Джулай Мёйа азнаёміўся з магчымасцямі энергетычнай галіны вобласці, наведаў Віцебскую ГЭС, раён электрасеткаў, прадпрыемствы «Вітстройтэхмаш» і «Энергакамлект», дзе цікавіўся прадукцыяй і магчымасцю яе выкарыстання ў сваёй краіне.
Машынабудаўнічы завод «Вітстройтэхмаш», які з'яўляецца вядучым прадпрыемствам Беларусі па вытворчасці пад'ёмна-транспартнага абсталявання, вырабляе тэхніку для розных сфер дзейнасці, у тым ліку для энергетыкі. Прадстаўнікам Зімбабвэ паказалі навінкі, аналагаў якіх няма на тэрыторыі СНД. У прыватнасці, пад'ёмнік, абсталяваны перадавым абсталяваннем, якое спалучае ў сабе функцыі адразу некалькіх адзінак тэхнікі і прызначанае для правядзення пагрузачна-разгрузачных, будаўніча-мантажных, рамонтных і транспартных работ.
Цікавасць прадстаўнікі афрыканскай краіны праявілі і да кабельна-праводнікавай прадукцыі, якую выпускае вытворчае аб'яднанне «Энергакамлект». У круг яго спажыўцоў уваходзяць прадпрыемствы розных галін прамысловасці: энергетыкі, нафтагазавай галіны, будаўнічай індустрыі, горнай прамысловасці, транспартнай сферы.
– Краіны далёкай дугі на сённяшні момант – адзін з перспектыўных вектараў развіцця нашага прадпрыемства, таму мы разглядаем Афрыку і Усходнюю Азію як напрамак, у якім мы будзем працаваць у бліжэйшыя пяць-дзясяць гадоў, – падкрэсліў генеральны дырэктар кампаніі Андрэй Авка. – Гарызонты вялікія. Развівацца гэтыя краіны будуць апярэджваючымі тэмпамі.
Кіраўнік прадпрыемства дадаў, што неабходна адпрацаваць лагістыку і іншыя аспекты, якія зрабілі б супрацоўніцтва больш выгадным. Магчыма, трэба выходзіць на міжурядовыя пагадненні, такія як у нашай краіны з В’етнамам, дзе адменены ўвозныя мытныя пошліны, або з Аб’яднанымі Арабскімі Эміратамі, дзе яны будуць зніжацца пакрокава.
Якасць сваёй прадукцыі «Энергакамлект» пры гэтым гарантуе. Каблі і праводы, якія вырабляюцца тут, вытрымаюць і афрыканскую спякоту, і паўночныя марозы.