Міёрскі раённы выканаўчы камітэт
Абласны цэнтр прыме Дні Пскоўскай вобласці 20-21 лістапада. Багатую праграму адкрые лагістычны форум «Тавар + пункт прызначэння = экспарт» з удзелам прадстаўнікоў кампаній расійскага рэгіёна – мерапрыемства Віцебскага аддзялення БТПП. Дыялог і сустрэчы экспертаў адбудуцца ў Канцэртнай зале «Віцебск».
Адначасова ў фойе пачне работу прэзентацыйны кірмаш патэнцыялу Пскоўскай вобласці. Гасцям прапануюць спрасаваць прадукцыю мясцовых кампаній: ад гарбаты, цукатаў, сырных вырабаў і тушонкі да вінаградных слімакоў у соусе і вясковых смачнасцей.
Другі дзень пачнецца з абмену вопытам у сферы дзяржаўнай палітыкі ў галіне занятасці насельніцтва. Гэтую тэму абмяркуюць падчас круглага стала прадстаўнікі адпаведных камітэтаў і ведамстваў двух рэгіёнаў.
Прадстаўнікі Міністэрства моладзевай палітыкі Пскоўскай вобласці і Галоўнага ўпраўлення ідэалагічнай работы і па справах моладзі Віцебскага аблвыканкама запланавалі рабочую сустрэчу.
Турыстычныя інфармацыйныя цэнтры бакоў правядуць канструктыўны дыялог, дзе абмяркуюць асаблівасці трансгранічнага ўзаемадзеяння ў гэтай сферы і падпішуць дакументы супрацоўніцтва.
Удзельнікі міжнароднага навукова-адукацыйнага круглага стала прысвяцяць сустрэчу Вялікай Айчыннай вайне. Сярод ключавых тэм – захаванне гістарычнай памяці і супрацьдзеянне спробам фальсіфікацыі гісторыі. Дэлегцыі ўшануюць памяць герояў на плошчы Перамогі каля Мемарыяльнага комплексу ў гонар савецкіх воінаў-вызваліцеляў, партызан і падпольшчыкаў Віцебшчыны.
Афіцыйную праграму завяршыць XI пасяджэнне Рабочай групы па супрацоўніцтве Рэспублікі Беларусь і Пскоўскай вобласці Расійскай Федэрацыі.
Да слова, мерапрыемствы Дзён Пскоўскай вобласці пройдуць на некалькіх пляцоўках, сярод якіх турыстычна-гасцінічны комплекс «Віцебск Ацель» і ВДУ імя П. Машэрава.