Міёрскі раённы выканаўчы камітэт

Сёння ў поўную магутнасць працуе дастаткова маладое прадпрыемства, якое спецыялізуецца на вытворчасці прадукцыі, запатрабаванай як унутры краіны, так і ў суседняй Расіі.

ТАА «БелРуПакінг Груп» пачало сваю дзейнасць нядаўна, у 2003 годзе. Завод пачаў працу ў горадзе Фаніполі Дзяржынскага раёна, а значыць, уваходзіць не толькі ў склад СЭЗ «Мінск», але і ў лік прадпрыемстваў малых гарадоў, што забяспечвае пэўныя льготы.
Нават кароткага знаёмства з вытворчым працэсам хапае, каб зразумець: арганізаваць усё гэта з нуля надзвычай складана. Дастаткова сказаць, што адны толькі станкі каштуюць мільёны рублёў. Без сур'ёзных інвестыцый ад надзейнага партнёра, які падставіць плячо, застанецца побач на доўгія гады, каб вытворчасць магла і разгарнуцца, і развівацца далей, не абыйсціся.

- Аднак, вядома, самае дарагое і каштоўнае ў нас — гэта людзі, нашы работнікі. На заводзе працуюць 35 чалавек, ёсць і жанчыны, і мужчыны, і гэта ў любым выпадку павінны быць вельмі адказныя, добрыя спецыялісты, прычым без шкодных звычак, паколькі прадпрыемства адносіцца да катэгорыі пажараапасных, бо тут захоўваецца спецыфічная сыравіна, у складзе якой не толькі полістырол, але і газ, — тлумачыць дырэктар ТАА «БелРуПакінг Груп» Пётр Бярняк.

Крыніца