Міёрскі раённы выканаўчы камітэт
Заместнік старшыні абласнога выканаўчага камітэта В'ячаслаў Дурноў і начальнік упраўлення адукацыі аблвыканкама Дзмітрый Хома з працоўнай паездкай наведалі Лепельскі раён.
Прадстаўнікі абласной улады праверылі ход будаўніцтва дзіцячага садка ў новым мікрараёне па вуліцы Чуйкава. Падчас сустрэчы абмеркавалі праблемы, якія ўзнікаюць у працэсе будаўніцтва, і шляхі іх вырашэння.
Будынак сапраўды прасторны – тры паверхі на 230 месцаў. На тэрыторыі будуць размяшчацца гульнявыя пляцоўкі для груп розных узростаў – ад ясельнай да шасцігадовай, ценязабяспечвальныя навесы, а таксама гульнявыя комплексы тэматычнай накіраванасці.
Затым госці наведалі Дзяржаўны аграрна-тэхнічны каледж, дзе знаёміліся з ходам рамонтных работ у інтэрнаце і падрыхтоўкай да навучальнага года. Асаблівая ўвага нададзена якасці рамонту і тэрмінах яго выканання.
Таксама падчас сустрэчы абмяркоўваліся перспектывы развіцця раёна.