Міёрскі раённы выканаўчы камітэт
Кіраўніцтва Віцебскай вобласці далучылася да рэспубліканскай акцыі «Дай лесу новае жыццё!», якая праходзіць у Сурожскім лясгасе.
На тэрыторыі плошчай 1,4 га кіраўнік вобласці разам з намеснікамі, начальнікамі структурных падраздзяленняў высадзяць каля 10 тыс. лясных культур – сялянцы сосны і сажанцы елкі.
– Віцебская вобласць далучылася да патрэбнай для ўсёй краіны акцыі «Дай лесу новае жыццё!». Упэўнены, што гэта толькі пачатак, нягледзячы на гэта, ужо столькі людзей далучыліся да ініцыятывы. На працягу трох гадоў, не толькі вясной, але і восенню мы дапамагаем ствараць новы лес. Прыємна бачыць, як тыя культуры, якія мы высадзілі раней, выраслі і паступова ператвараюцца ў дрэвы, – адзначыў Аляксандр Суботын. – Сумесная праца заўсёды аб'ядноўвала беларусаў. І ў Год парадку хочацца, каб наша зямля станавілася ўсё прыгажэйшай і ўтульнейшай.
Дырэктар Сурожскага лясгаса Дзмітрый Подлешук адзначыў, што па традыцыі з наступленнем вясны ўсе далучаюцца да гэтай шляхетнай справы.
– Мы ствараем лясныя культуры для будучых пакаленняў. Каб выгадаваць добры лес, неабходна падрыхтаваць участак, апрацаваць глебу, высадзіць якасны пасадкавы матэрыял, а потым на працягу сямі гадоў правільна за ім даглядаць, – адзначыў Дзмітрый Подлешук.
Рэспубліканская акцыя «Дай лесу новае жыццё!» працягнецца да 12 красавіка.