Міёрскі раённы выканаўчы камітэт
У Віцебску праходзіць VІІІ справаздачна-выбарчая канферэнцыя абласнага аб'яднання прафсаюзаў.
– Асноўны прыярытэт дзяржавы – дабрабыт нашых людзей. Прафсаюзы ўносяць вялікі ўклад як у сацыяльна-эканамічнае развіццё, так і ў сацыяльнае партнёрства, і ў развіццё рэгіёна. Узаемадзейнічаючы з кіраўніцтвам прадпрыемстваў, яны вырашаюць шырокі спектр пытанняў: у галіне аховы працы, абароны правоў і сацыяльных гарантый работнікаў і інш. У Віцебскай вобласці ў самай масавай грамадскай арганізацыі складаецца больш за 370 тысяч чалавек, гэта вялікая ўплывовая сіла, якая з'яўляецца асновай кожнай установы, прадпрыемстваў і арганізацый, – адзначыў намеснік старшыні аблвыканкама Вячаслаў Дурноў.
– Прафсаюзы праявілі сябе як актыўны ўдзельнік грамадзянскага грамадства. Зараз мы ўступаем у чарговую выбарчую кампанію, якая завершыць выбарчы перыяд у адпаведнасці з абноўленай Канстытуцыяй. На ўсіх этапах гэтай работы прафсаюзы прымаюць актыўны ўдзел. Мы выступае адным фронтам, падтрымліваючы той стваральны курс, па якім ідзе наша краіна, – адзначыў старшыня абласнога Савета дэпутатаў Дзмітрый Дзямідаў.
На мерапрыемстве падведзены вынікі работы за апошнія пяць гадоў і абазначаны напрамак далейшага развіцця. Старшыня Федэрацыі прафсаюзаў Беларусі Юрый Сенька адзначыў станоўчую работу абласнага аб'яднання і падкрэсліў, што ацэнка дзейнасці кожнага структурнага падраздзялення прафсаюзаў ажыццяўляецца на пастаяннай аснове. У кожнага былі свае ўнікальныя ідэі і распрацоўкі, якія спрыялі развіццю прафсаюзнага руху.
У рамках VІІІ справаздачна-выбарчай канферэнцыі перабралі лідара абласнага аб'яднання прафсаюзаў. Адгалосна ім стаў Юрый Дзеркач. Таксама адбудзецца ўзнагароджанне прафактыву Віцебскай вобласці.
Перад пачаткам мерапрыемства ўдзельнікі канферэнцыі азнаёміліся з выставай ад прафсаюзных здравніц, размешчаных на тэрыторыі Віцебскай вобласці, устаноў адукацыі ФПБ – Віцебскі філіял «МІЦСО» і «Віцебсктурыст». Таксама на канферэнцыі прысутнічаюць калегі з Пскова, Смаленска і Ноўгарада.