Міёрскі раённы выканаўчы камітэт

Старшыня абласнога Савета дэпутатаў Дзмітрый Дзямідаў прыехаў на Гарадоўшчыну, каб разам з мясцовымі жыхарамі ўшанаваць памяць ваяроў-вызваліцеляў, рэшткі якіх знайшлі пошукавікі.

Урачыстая цырымонія перапахавання адбылася на мемарыяльным комплексе ў вёсцы Халамер'е. Там знайшлі сваё апошняе месца спакою пяць вайскоўцаў, якія загінулі падчас Вялікай Айчыннай вайны. Іх рэшткі ў жніўні выявілі прадстаўнікі 52-га асобнага спецыялізаванага пошукавога батальёна і пошукавай групы «Бацькаўшчына», якія праводзілі работы на Гарадоўшчыне ў раёне вёскі Лапцеўка Віровільскага сельсавета. На жаль, імёны загінулых усталяваць не ўдалося.

У мерапрыемстве ў Халамер'і прынялі ўдзел прадстаўнікі абласной і раённай улады, працоўных калектываў, пошукавікі, моладзь.

— Прайшло больш за 80 гадоў з моманту вызвалення Віцебшчыны ад нямецка-фашысцкіх захопнікаў, але штогод у ходзе пошукавых работ на месцах баевых дзеянняў выяўляюцца рэшткі воінаў, якія аддалі сваё жыццё за вызваленне Радзімы. Дзякуючы іх подзвігам мы сёння жывём у свабоднай краіне пад мірным небам, выхоўваем дзяцей і працуем на карысць Беларусі. Наш агульначалавечы і хрысціянскі абавязак – належным чынам здаць рэшткі байцоў зямлі, — сказаў Дзмітрый Дзямідаў. — У пошукавую дзейнасць уключана вялікая колькасць людзей, пачынаючы ад валанцёраў і заканчваючы адпаведнымі падраздзяленнямі Міністэрства абароны Рэспублікі Беларусь, іншых сілавых ведамстваў. Таксама вялікая работа праводзіцца з архіўнымі дакументамі. Стаіць задача не толькі захаваць памяць пра нашых продкаў-герояў, але і перадаць гэтае павагу і падзяку маладым пакаленням. Толькі такім чынам можна не дапусціць новай вайны.

vitebsk-region.gov.by