Міёрскі раённы выканаўчы камітэт
Адкрыццё абноўленага музея «Памяць» у віцебскай сярэдняй школе № 15 імя М. Чуманіхінай (мікрараён Руба) прымеркавалі да Дня народнага адзінства. І гэта не дзіўна. Як адзначыў старшыня аблвыканкама Аляксандр Суботаў, толькі разам мы зможам зрабіць шмат чаго. І ў нашай гісторыі таму ёсць шмат прыкладаў.
– Гэта ўстанова адукацыі для мяне не чужая, тут прайшлі мае школьныя гады. З упэўненнем можна сказаць, што настаўнікі закладваюць той фундамент, які неабходны для далейшага шляху. Калі смела ісці наперад, адважвацца, абавязкова ўсё атрымаецца і можна дасягнуць шмат чаго, – адзначыў Аляксандр Суботаў. – Перад Днём народнага адзінства – маладым святам, мы яшчэ раз усведамляем яго важнасць. Бо калі ваяваць адзін з адным, знікнуць народ, краіна, нацыя. Але мы гэтага не дапусцім, толькі разам зможам шмат чаго. Жадаю вучням заўсёды быць адзінымі.
Кіраўнік вобласці азнаёміўся з пераўтварэннямі школы і адзначыў, што за кароткі час тут усё змянілася як звонку, так і знутры. І трансфармацыя установы адукацыі працягваецца.
У сценах школы таксама адкрылі абноўленую экспазіцыю музея «Памяць», які адчыніў свае дзверы яшчэ ў 1987 годзе. Сёння ён налічвае каля 500 экспанатаў: дакументы, фатаграфіі, прадметы побыту, фрагменты зброі, матэрыялы пра герояў-франтавікоў гарадскога пасёлка Руба, блізкіх вёсак і многае іншае.
– Яшчэ вучаніцай гэтай школы тут была экскурсаводам, – распавяла настаўніца гісторыі Ольга Сапсалёва. – Летам гэтага года музей рэканструявалі, ён стаў інтэрактыўным. Першая экспазіцыя распавядае пра пачатак Вялікай Айчыннай вайны. Звяртаем увагу вучняў на тое, што з першых хвілін савецкі народ аказаў жорсткае супраціўленне. Другі зал «Дні і ночы фашысцкай няволі» – самы ўражальны для вучняў. Тут – разбураная печ, абпаленыя сцены, калючы дрот, фатаграфіі вязняў канцлагераў наглядна дэманструюць зверствы нямецкіх акупантаў. У іншых залах – гаворым пра партызанскі рух (у раёне Рубы дзейнічалі тры такія брыгады), гарадах-героях, якія як магутныя бастиёны сустрэлі нацыстаў, дарогах Перамогі.
У музеі праводзяцца экскурсіі, інфармацыйныя і класныя гадзіны, сустрэчы з ветэранамі. Вучні пішуць даследчыя працы, якія прадстаўляюць на розных канферэнцыях. Дырэктар школы Антоніна Ерашава падкрэсліла, што музей таксама наведваюць вучні з іншых раёнаў вобласці, а экспазіцыя будзе пашырацца. Маладое пакаленне павінна ведаць, што нясе вайна людзям, рабіць усё, каб жахлівыя падзеі не паўтарыліся.