Міёрскі раённы выканаўчы камітэт
Дадатковыя рэсурсы для развіцця сельскай гаспадаркі, стымуляванне эканамічнай актыўнасці насельніцтва, падтрымка грамадзянскіх ініцыятыв.
Гэтыя пытанні абмяркоўваліся на восьмай позачарговай сесіі абласнога Савета дэпутатаў 29-га склікання.
– Сёння завяршаюцца ўборачныя работы, ідзе пасеўная кампанія, і для іх паспяховага правядзення неабходна прыняць шэраг карэкціровак у бюджэт, – адзначыў старшыня абласнога Савета дэпутатаў Дзмітрый Дзямідаў, адкрываючы пасяджэнне.
Дэпутаты прынялі рашэнне накіраваць дадатковыя рэсурсы камітэту па сельскай гаспадарцы і прадуктах харчавання аблвыканкама для выканання меліяратыўных работ па аднаўленні меліяраваных зямель у суме 3 млн рублёў, на субсідаванне бягучай дзейнасці сельгасвытворцаў і набыццё паліўна-змазачных матэрыялаў – 5 млн рублёў, такую ж суму – для набыцця паліва. Частка сродкаў будзе накіравана на аплату комплексу работ па вапнаванні кіслых глеб.
Дзякуючы карэкціроўкам плануецца выканаць і цэлавыя паказчыкі рэгіянальнага комплексу мерапрыемстваў па рэалізацыі Дзяржаўнай праграмы «Аграрны бізнес» на 2021 – 2025 гады, паспяхова завяршыць уборачную і пасеўную кампаніі.
Будуць выдзелены таксама сродкі для матэрыяльнай падтрымкі грамадзян у перыяд пошуку працы і на арганізацыю часовай занятасці каля 500 непаўналетніх у свабодны ад навучання час.
На позачарговай сесіі абмеркавалі вынікі папярэдняга разгляду праектаў грамадзянскіх ініцыятыв, накіраваных на паляпшэнне жыцця ў малых гарадах і населеных пунктах. Дэпутаты прагаласавалі за накіраванне сацыяльна значымых праектаў у Віцебскую абласную асацыяцыю мясцовых Саветаў дэпутатаў для правядзення іх адкрытага канкурснага адбору.
– Тэма рэалізацыі грамадзянскіх ініцыятыв дастаткова востраактуальная, – адзначыў кіраўнік абласнога дэпутацкага корпуса. – Неабходна прыкласці максімум намаганняў для таго, каб тое, што запланавана, мы зрабілі да канца года. Гэта трэба людзям. І ўжо сёння варта вылучаць новыя ідэі для паляпшэння жыцця насельніцтва, каб у 2025 годзе актыўна працягнуць гэтую карысную справу.
Даведка «ВВ»
На 2024 год прадугледжана каля 30 тысяч рублёў на фінансаванне грамадскіх ініцыятыв з усіх раёнаў Віцебскай вобласці. З 23 праектаў 17 могуць быць рэалізаваны ў гэтым годзе.
Крыніца: https://vitebsk-region.gov.by