Міёрскі раённы выканаўчы камітэт

Камбайнер філіяла «Зара» ЗАТ «Віцебскаграпрадукт» Чашніцкага раёна Аляксандр Зябка першым у Віцебскай вобласці намалочыў 2000 тон зерня і рапсу.

Аляксандр працуе камбайнерам больш за 20 гадоў. За гэты час ён праявіў сябе як спецыяліст высокага класа, які заўсёды дасягае высокіх вытворчых паказчыкаў. Неаднаразова праца механізатара адзначалася ўзнагародамі розных узроўняў.

Прывітаць перадавіка з дасягненнем высокага выніку прыбылі кіраўніцтва раёна, старшыня камітэта па сельскай гаспадарцы і харчаванні Віцебскага аблвыканкама Андрэй Булаўкін, прафсаюзны лідар аграрыяў Віцебшчыны Таццяна Дзіканава, старшыня Чашніцкай раённай прафсаюзнай арганізацыі работнікаў АПК Іна Шыбанава.

Таццяна Дзіканава падзякавала камбайнеру за працу, пажадала яму не спыняцца на дасягнутым і далей заваяваць вытворчыя вышыні.

Дыпломы і падарункі ад аграрнага прафсаюза Віцебшчыны — галоўнаму Герою сённяшняга дня!

Аляксандр Зябка запэўніў госцей, што будзе працягваць працаваць з поўнай аддачай сіл.

vitebsk-region.gov.by