Міёрскі раённы выканаўчы камітэт

Нікіта Куконаў — выхаванец Полацкага кадэцкага вучылішча. Ён загінуў ва ўзросце 22 гадоў пад Баранавічамі падчас трэніровачнага палёту на самалёце Як-130. Самалёт рэзка страціў кіраванне і пачаў падаць у бок квартала шматпавярховых дамоў. Выявіўшы адмову сістэм, пілоты паводле інструкцыі павінны былі катапультавацца, але прынялі рашэнне застацца ў кабіне машыны, што губляла вышыню, і адвесці яе ад жылых дамоў.

У мерапрыемстве прынялі ўдзел ганаровыя госці: старшыня Цэнтральнай выбарчай камісіі Ігар Карпенка, памочнік Прэзідэнта — інспектар па Віцебскай вобласці Сяргей Лявковіч, старшыня Полацкага раённага выканаўчага камітэта Ігар Марковіч, старшыня Наваполацкага гарадскога выканаўчага камітэта Ігар Бурмістраў, епіскап Полацкі і Глыбоцкі ўладыка Ігнацій, старшыня Рэспубліканскага Савета аб'яднання грамадскіх арганізацый «Беларускі саюз сувораўцаў і кадэтаў» Сяргей Жыхін, маці Нікіты Куконава Наталля Алегараўна.

Новыя карпусы Полацкага кадэцкага вучылішча размяшчаюцца на тэрыторыі Верхняга замка і выходзяць фасадамі напрамую на духоўную перлу рэгіёна — Сабор Святой Сафіі. На гэтым благаслаўлёным месцы ажываюць, працягваюцца гісторыя і традыцыі Полацкага кадэцкага корпуса, сказаў прысутны на мерапрыемстве старшыня Цэнтральнай выбарчай камісіі Беларусі Ігар Карпенка:

– Помнік, які мы сёння адкрываем, сведчыць пра тое, што традыцыю шанавання сваіх выпускнікаў, герояў працягваюць сучасныя пакаленні кадэтаў. Гэты знак — гэта не толькі даніна памяці і павагі Нікіце Куконаву. Гэта яшчэ і сімвал мужнасці, трываласці, здольнасці ахвяраваць сабой дзеля жыцця іншых. Гэта — сімвал высокага патрыятызму, усіх тых важных грамадзянска-патрыятычных якасцей, якія прывіваюцца тут, у Полацкім кадэцкім вучылішчы, а значыць, гісторыя і традыцыі працягваюцца. Хачу падзякаваць усім тым, хто мае дачыненне да задумы стварэння і ўвасаблення ў жыццё, устаноўкі гэтага помніка. Дзякуй усім, хто не абыякавы да гісторыі Полацкай зямлі, яе знакамітых землякоў, усім тым, хто з'яўляецца яркім прыкладам служэння Айчыне і беларускаму народу.

Сяргей Лявковіч, у сваю чаргу, падзякаваў усім, хто прымаў удзел у стварэнні мемарыяла.

– Нікіта і яго таварыш Андрэй назаўжды ўпісалі свае імёны ў гісторыю. Мы спадзяемся, што пра подзвіг Нікіты будуць памятаць усе кадэты вучылішча, — сказаў аднакласнік Нікіты Куконенка Аляксандр Ульскі.

Найцяжэй даваліся словы маці героя Наталлі Алегўне:

– Віншую ўсіх з адкрыццём помніка. Наша сям'я вельмі доўга чакала гэтую падзею. Дзякую ўсім, хто прыняў удзел у зборы сродкаў на помнік, кожнаму, хто дапамог яму з'явіцца. Гляджу на створаны скульптарам вобраз, і ён, як жывы, дасканала перадае характар нашага Нікіты. Дарагія кадэты, звяртаюся да вас. Імкніцеся заўсёды да сваёй мэты, будзьце ўпэўненымі ў сабе, любіце Радзіму, цаніце жыццё і ганарыцеся нашымі героямі!

Звярнуўся да прысутных і ўладыка Ігнацій. Ён падкрэсліў, што людзі, гатовыя аддаць жыццё дзеля любові да бліжняга, заўсёды жывыя ў Бога.

–Будзьце годныя памяці такіх Герояў, як Нікіта Куконенка, — падвёў вынік біскуп Полацкі і Глыбоцкі. …

Хвіліна маўчання — і жывыя кветкі ляглі да падножжа помніка.

Аддаючы даніну павагі Герою Беларусі, кадэты прайшлі ўрачыстым маршам.

vitebsk-region.gov.by