Міёрскі раённы выканаўчы камітэт
У Віцебску адбылася цырымонія ўзнагароджання лаўрэатаў абласной прэміі за дасягненні ў галіне якасці ў 2023 годзе.
У Год якасці асабліва важна засяродзіць увагу на далейшым павышэнні ўзроўню жыцця, забеспячэнні канкурэнтаздольнасці выпускаемай прадукцыі, стымуляванні ініцыятывы і фарміраванні ў грамадстве адказнасці за вынікі сваёй працы і пачуцця прыналежнасці да будучыні краіны. Гэтыя прарытэты вызначаны кіраўніком дзяржавы. Традыцыйная абласная прэмія за дасягненні ў галіне якасці – з ліку такіх стымулюючых мерапрыемстваў.
– Галоўную ацэнку вашай працы, безумоўна, ставіць эканоміка, рынак і само жыццё, – падкрэсліў на цырымоніі ўзнагароджання старшыня аблвыканкама Аляксандр Суботаў. – Яна складаецца з розных складнікаў, але асноўны крытэрый – гэта якасць, якую ацэньваюць людзі, якія карыстаюцца вашымі паслугамі або спажываюць вашу прадукцыю. Як паказваюць вынікі работы эканомікі Віцебскай вобласці за 2023 год, наша прадукцыя карыстаецца попытам не толькі на ўнутраным, але і на знешніх рынках. Аб'ёмы вытворчасці прамысловай прадукцыі ў параўнальных коштах узраслі на 4,3 % да 2022 года, каля 40 % адгружанай прадукцыі – іннавацыйная, экспарт павялічыўся больш чым у 1,5 раза. Якасць забяспечвае канкурэнтаздольнасць нашых тавараў або паслуг, і абвешчаны кіраўніком дзяржавы 2024-ы Год якасці будзе спрыяць прасоўванню нашай эканомікі, павышэнню ўзроўню дабрабыту людзей. Сёння асноўная задача перад рэальным сектарам эканомікі – павышэнне канкурэнтаздольнасці прадукцыі і паслуг за кошт рэалізацыі высокатэхналагічных праектаў і скарачэння выдаткаў. У значнай ступені ад нас з вамі залежыць канчатковы вынік. Кожны павінен пачаць з сябе: выконваць сваю работу своечасова і якасна.
Старшыня вобласці разам са старшынёй абласнога саюза наймальнікаў Уладзімірам Туравіновым уручыў узнагароды і дыпломы лепшым прадпрыемствам і кіраўнікам вобласці.
Сярод арганізацый, якія выпускаюць нехарчовую прадукцыю, званне лаўрэатаў атрымалі ТАА «Белвест», ААТ «Віцебскія дываны», «Оршаўскі станкабудаўнічы завод «Красны барец»», ДУП «Ніць» АА «Беларускае таварыства глухіх», ААТ «Інвет», сярод прадпрыемстваў, якія аказваюць паслугі, – УП «Віцебскаблгаз». Гэта высокае званне пацвердзілі ААТ «Віцебскхлебпрам», «Пастаўскі малочны завод», «Кераміка», УПП «Верхні луг».
Дырэктар «Краснага барца» Віталь Круцько не хаваў, што перамагчы адразу ў двух намінацыях, як найлепшае прадпрыемства і як найлепшы кіраўнік, падвойна прыемна, у той жа час адказна.
– Як бы кіраўнік ні стараўся быць на вяршыні падзей, усё ж такі на канчатковы вынік уплывае праца ўсяго калектыву, усяго каманды. Тут я прытрымліваюся вядомай прыказкі «Адзін у полі не волат». Абапіраючыся на кампетэнтны і актыўны персанал, нам удаецца шмат зрабіць. Уся прадукцыя прадпрыемства, а гэта шырокая лінейка шаўфільных станкоў (мадэляў налічваецца больш за сотню), з'яўляецца імпартанамяшчальнай, аналагаў якой у нашай краіне няма. 80 % выпускаемых плоска-, шліца-, ўнутрана-шаўфільных і іншых станкоў адпраўляем на экспарт у Расію, Турцыю, Казахстан. Калі казаць пра якасць, то прывяду такі факт. На кожным нашым станку можна вырабіць дэталь з дакладнасцю да аднаго мікрона. Тры гады запар адзін з выпускаемых відаў станкоў становіцца пераможцам у намінацыі «Лепшы тавар». У гэты раз такой ганаровай узнагароды ўдастоены круглашаўфільны, – падзяліўся з карэспандэнтам «ВВ» Віталь Круцько.
У тым жа ключы выказаўся і генеральны дырэктар «Віцебскіх дываноў» Арцём Лаханкін.
– Прадпрыемства з гісторыяй больш за 120 гадоў проста абавязана ўдзельнічаць у такіх прэстыжных конкурсах і намінацыях і перамагаць, – падкрэсліў ён. – Гэта дасягненні ўсяго калектыву. Толькі ў мінулым годзе выпусцілі больш за 20 найменняў дыванных вырабаў. І бягучы год пачалі паспяхова, асвоіўшы шэсць новых калекцый тканых дываноў, што дазволіць павялічыць аб'ём экспартных паставак.
Па вялікай колькасці адзначаных у намінацыі «Лепшыя тавары Рэспублікі Беларусь» можна судзіць, што прадпрыемствы Віцебшчыны выпускаюць канкурэнтаздольную прадукцыю высокай якасці. Па заслугах ацэнена полацкая і глыбоцкая, а пастаўская і талачынская малочна-сырная прадукцыя атрымала яшчэ і спецыяльную ўзнагароду «Новінка года». Лепшымі ў галіне прызнаны абутак ТАА «Белвест», вырабы вытворчага аб'яднання «Энергакамлект». Спецыяльным прызам за дасягненні ў імпартазамешчанні ўзнагароджаны «Віцебскія ковры», Беларуская скурано-абутковая кампанія «Марка», завод «Палімір» ААТ «Нафтан» і іншыя.
У мерапрыемстве прыняла ўдзел першы намеснік старшыні Дзяржаўнага камітэта па стандартызацыі Рэспублікі Беларусь Гелена Маргунова.