Міёрскі раённы выканаўчы камітэт

Папаўненне аўтапарка дазволіць максімальна аптымізаваць работу па завяршэнні цэнтралізацыі службы СМП Віцебскай вобласці.

– Мадыфікацыя службы хуткай медыцынскай дапамогі ў Віцебскай вобласці працягваецца. Усяго ў гэтым годзе закуплена 45 аўтамабіляў: 12 па лініі Банка развіцця і 33 па цэнтраваным закупе па лініі Міністэрства аховы здароўя, – расказаў прадстаўнікам СМІ галоўны ўрач Віцебскага абласнога цэнтра хуткай медыцынскай дапамогі Віктар Гамоў. – Фактычна аўтапарк рэгіёна абноўлены на 80 %. Гэта павысіць аператыўнасць і якасць абслугоўвання выклікаў, дозволіць у некалькі разоў паляпшыць абслугоўванне сельскага насельніцтва. Зараз ідзе цэнтралізацыя службы, у гэтым годзе ў Полацку створаны міжраённы цэнтр хуткай медыцынскай дапамогі, у які ўвайшла станцыя Новаполацка, аддзяленні ў Лепелі, Расонах, Верхнядзвінску і Ушачах. Увесь аўтапарк полацкага рэгіёна ўжо абноўлены. Гэтую вялікую перавагу адчула і сельская мясцовасць, якую ў выпадку неабходнасці, мінуючы цэнтральныя раённыя бальніцы, адпраўляюць непасрэдна ў гарадскія і абласныя ўстановы для аказання спецыялізаванай медыцынскай дапамогі. Падобная цэнтралізацыя дазваляе ажыццяўляць кантроль за выкарыстаннем машын хуткай медыцынскай дапамогі, паляпшае лагістыку дастаўкі пацыентаў. Мінуючы ЦРБ, пацыенты, напрыклад, з вострай каранарнай недастатковасцю, інфарктам міякарда, з вострым парушэннем цэнтральнага мазговага кровазвароту, трапляюць у спецыялізаваныя высокатэхналагічныя медыцынскія цэнтры, дзе ім можна аказаць дапамогу непасрэдна.

Зборка аўтамабіляў беларускай вытворчасці, растлумачыў кіраўнік службы, ідзе на прадпрыемстве «Брэстмаш», затым іх пастаўляюць для пераабсталявання ў якасці машын хуткай медыцынскай дапамогі на МАЗ. Мінскі аўтамабільны завод выконвае гэтыя работы сумесна з даччыным прадпрыемствам «Кушава». Яны значна паляпшыліся па якасці, камфортнасці як для саміх работнікаў службы, так і для насельніцтва. Па цэнтраваным закупе Міністэрства аховы здароўя набыта сучаснае партатыўнае абсталяванне для комплектавання аўтамабіляў – апараты ІВЛ, ЭКГ-рэгістратары, дэфібрылятары і іншае.

У гэты дзень машыны адправіліся па прызначэнні ў рэгіёны, частка з іх засталася на службе ў Віцебску. А на наступны год запланавана закупка яшчэ 36 аўтамабіляў для абслугоўвання насельніцтва вобласці.

Да слова, у Віцебскай вобласці на сённяшні дзень працуюць 113 брыгад хуткай медыцынскай дапамогі, 147 аўтамабіляў.

Крыніца: vitebsk-region.gov.by