Міёрскі раённы выканаўчы камітэт

На Віцебшчыне запланавана будаўніцтва буйнога шматбрендавага машынабудаўнічага завода, паведаміў генеральны дырэктар ЧУП «Вітстройтэхмаш» Андрэй Сідораў.

«Вітстройтэхмаш» – маладое актыўна развіваючаеся і самадастатковае прадпрыемства. Яно размешчана ў абласным цэнтры і больш вядома ў шырокіх колах як «Машынабудаўнічая кампанія „Віцебскія пад’ёмнікі“», якая сёння з'яўляецца часткай холдынгу. Менш чым за 20 гадоў віцебскім машынабудаўнікам удалося прайсці шлях ад невялікага сервіснага прадпрыемства па рамонце грузапід'ёмнага абсталявання да буйнога вытворцы спецыяльнай тэхнікі, дзе сёння працуе каля 330 чалавек.

– Сакрат поспеху – жаданне ісці ў нагу з часам і адаптавацца да патрэбаў кліентаў. Наяўнае сучаснае абсталяванне дазваляе выпускаць шырокую лінейку тэхнікі камунальнага і спецыяльнага прызначэння, для правядзення будаўніча-мантажных і іншых работ, абслугоўвання гарадскога электратранспарту і электрычных сетак: аўтагідрапад'ёмнікі з вышынёй пад'ёму ад 12 да 56 метраў, аўтакраны грузападымальнасцю ад 16 да 32 тон, краны-маніпулятары, смецявозы, бурільныя ўстаноўкі. Нядаўна вырабілі пажарную машыну камбінаваную на базе поўнапрываднага КАМАЗа, – паведаміў Андрэй Сідораў. – Нашы магутнасці – больш за 4 тыс. адзінак машын і абсталявання. Мы здольныя выканаць любыя работы ў сваёй сферы, пачынаючы ад праектавання і заканчваючы правядзеннем неабходных выпрабаванняў і пастаўкай на канвеер.

У «Вітстройтэхмаша» добрыя эканамічныя паказчыкі: аб'ёмы вытворчасці ў бягучым годзе павялічыліся на 60 % у параўнанні з аналагічным перыядам 2022 года, заработная плата – больш чым на траціну.

– Уведзена ў эксплуатацыю больш як 10 тыс. кв. м дадатковых вытворчых плошчаў. Больш за 5 млн долараў затрачана на набыццё высокаэфектыўнага тэхналагічнага абсталявання. Створаны дзясяткі працоўных месцаў. Мы актыўна ўдзельнічаем ва многіх дзяржаўных праграмах, рэалізацыі сацыяльных праектаў, у тым ліку аказваем дапамогу дзіцячым садкам і школам. Таксама ўзаемадзейнічаем з лепшымі ВНУ Беларусі і Расіі, каб займацца распрацоўкай інновацыйнай тэхнікі ў рамках навукова-даследчых работ у партнёрстве з імі, у тым ліку звязаных з імпартазамешчаннем, – адзначыў генеральны дырэктар. – Звяраем вялікую ўвагу прафарыентацыйнай дзейнасці: рэаліі такія, што будучых работнікаў трэба пачынаць выхоўваць яшчэ са школьнай лаўкі. Таму мы з калегамі – частыя госці ў навучальных установах, арганізоўваем для іх экскурсіі на прадпрыемства, каб яны разумелі, чым займаюцца машынабудаўнікі розных спецыяльнасцей.

ЧУП «Вітстройтэхмаш» вядома далёка за межамі Беларусі, з'яўляецца карпаратыўным партнёрам вядучых вытворцаў грузавых аўтамабіляў у СНД: МАЗ, КамАЗ, «Урал», ГАЗ, УАЗ. Яе прадукцыя знаходзіць попыт у Расіі, краінах Сярэдняй Азіі і іншых рэгіёнах.

– Спыняцца на дасягнутым не збіраемся. Так, у бліжэйшы час плануем пачаць будаўніцтва мультыбрендaвага машынабудаўнічага завода на тэрыторыі СЭЗ «Віцебск». Там з'явіцца каля 300 новых працоўных месцаў і некалькі вытворчасцей па выпуску найноўшых гідраўлічных сістэм, фурганаў і грузап'ёмнага абсталявання (моставыя, казлёвыя, вежавыя, кансольныя краны). Цэхі займуць больш як 20 тыс. кв. м, – падкрэсліў Андрэй Сідараў. – Санкцыі, уведзеныя супраць Беларусі, на дзейнасці прадпрыемства не адбіваюцца, таму што мы прывыклі быць незалежнымі ў тэхналагічным плане. Напрыклад, у нашых пад'ёмніках сёння ўсяго 8 % імпартных дэталяў. Але і гэта не граніца: развіваем вытворчасць, каб пазбавіцца ад неабходнасці набываць штосьці за мяжой. Акрамя таго, абмежаванні з боку Захаду зменшылі канкурэнцыю на традыцыйным для нас рынку, што спрыяла павелічэнню замов і пашырэнню іх геаграфіі.

Крыніца: vitebsk-region.gov.by