Міёрскі раённы выканаўчы камітэт

Грамадзянска-патрыятычны форум «У адзінстве – наша сіла», прымеркаваны да Дня народнага адзінства, арганізаваны Віцебскім абласным аддзяленнем Беларускай партыі «Белая Русь», праходзіць у ВіДУ імя П. Машэрава.

У форуме прынялі ўдзел члены прэзідыума Вышэйшага палітычнага савета Беларускай партыі «Белая Русь» — памочнік Прэзідэнта Рэспублікі Беларусь – інспектар па Віцебскай вобласці Ігар Брыла і намеснік старшыні аблвыканкама Вячаслаў Дурноў, старшыні і члены раённых арганізацыйных структур і Віцебскага абласнога аддзялення Беларускай партыі «Белая Русь».

– Мы з вамі знаходзімся ў пярэддзі нацыянальнага свята – Дня народнага адзінства, якое адбудзецца ў нядзелю паўсюль ва ўсіх кутках нашай краіны, – адзначыў член прэзідыума Вышэйшага палітычнага савета Беларускай партыі «Белая Русь» памочнік Прэзідэнта Рэспублікі Беларусь – інспектар па Віцебскай вобласці Ігар Брыло. – Паўсюль пройдуць урачыстыя мерапрыемствы – не толькі ў Мінску, але і ва ўсіх раёнах нашай краіны. Я глыбока перакананы, што наш яшчэ дастаткова малады святочны дзень за кароткі прамежак часу набудзе добрыя абароты, і мы сапраўды зможаем праявіць тое адзінства нацыі, якога нам, магчыма, крыху не хапала некалькі гадоў таму. Але ў нас ёсць час, ёсць вопыт, якімі мы павінны скарыстацца. Шчыра віншую ўсіх аднадумцаў з такім вялікім святам. Мы разам, сябры!

– Сёння знакавая падзея для нашай абласной структуры партыі «Белая Русь» – мы ўручаем сцягі рэгіянальным аддзяленням, а таксама пасведчанні і членскія білеты членам партыі, – сказаў Вячаслаў Дурноў. – Усё гэта адбываецца ў пярэддзі вялікага агульонацыянальнага свята Дня народнага адзінства. Сёння мы паказваем у партыйных колах, што мы павінны быць адзінымі, а значыць, непераможнымі. Планы ў партыі вельмі вялікія, шмат цікавых задумак. Мы бачым, наколькі людзей цікавяць тэмы, якія паднімаюць члены «Белай Русі», наколькі актыўна яны ўступаюць у яе шэрагі. І можна ўпэўнена сказаць, што наш народ адзіны ў тым, што Беларусь павінна быць моцнай і заможнай. А гэта можна зрабіць толькі ў тым выпадку, калі ўсе разам рухаюцца ў адным напрамку.

У ходзе мерапрыемства адбылося ўрачыстае ўручэнне членскіх білетаў, перадача сцягоў раённым аддзяленням і абмеркаванне перспектыўных праектаў партыі.

– На сённяшні дзень у абласным аддзяленні паўтары тысячы чалавек, – сказала старшыня Віцебскага абласнога аддзялення партыі «Белая Русь», рэктар ВДУ імя П. Машэрава Валянціна Багатырёва. – Мы значна прырастаем. Я бачу гэты паток заяў, гарачыя вочы і жаданне людзей удзельнічаць у такой аб'ядноўваючай грамадства справе. У нас шмат праектаў, у тым ліку адукацыйных, палітычна-асветніцкіх, але яны накіраваны на тое, каб нашы грамадзяне ў большай ступені разумелі, вакол якой ідэі яны павінны кансалідавацца, і якія самыя сур'ёзныя мерапрыемствы чакаюць нас наперадзе.

Крыніца: vitebsk-region.gov.by