Міёрскі раённы выканаўчы камітэт
На плацу 103-й Віцебскай асобнай гвардзейскай паветрана-дэсантнай брыгады правялі цырымонію ўзнагароджвання адметных салдат, прапаршчыкаў і афіцэраў узнагародамі і падзякамі мясцовай улады, камандавання СПА і брыгады.
Каб павіншаваць ваеннаслужачых і ветэранаў дэсантных войскаў і сіл спецыяльных аперацый, прыехалі старшыня аблвыканкама Аляксандр Суботын, памочнік Прэзідэнта – інспектар па Віцебскай вобласці Ігар Брыла, старшыня Віцебскага абласнога Савета дэпутатаў Уладзімір Таранцоў, старшыня Віцебскага гарадскога выканаўчага камітэта Мікалай Арлоў, прадстаўнікі камандавання сіл спецыяльных аперацый і злучэння.
Аляксандр Суботын адзначыў, што сёння аказваецца пашана сапраўдным патрыётам нашай Радзімы, смелым і моцным духам людзям. Тыя, хто выбраў для сябе нялёгкую, але адказную службу ў паветрана-дэсантных войсках, з'яўляюцца сапраўднымі абаронцамі нашай Айчыны і працягваюць славныя традыцыі брыгады.
– Гісторыя 103-й Віцебскай асобнай гвардзейскай паветрана-дэсантнай брыгады з'яўляецца ганарам нашай краіны. Яе ваеннаслужачыя абаранялі родны край у гады Вялікай Айчыннай вайны, адстойвалі інтарэсы краіны ў іншых дзяржавах пад сцягамі ВДВ, і сёння вам даводзіцца выконваць найскладанейшыя задачы, – адзначыў Аляксандр Суботын. – Вы з'яўляецеся прыкладам для маладога пакалення, а служба ў дэсантных войсках 103-й брыгады заўсёды была арыенцірам для моладзі. Вы – ганар Віцебска і Віцебскай вобласці. Няхай ваш дэвіз «Ніхто, акрамя нас!» будзе вызначальным не толькі ў вашым жыцці, але і ў жыцці ўсіх грамадзян нашай выдатнай краіны.
Ігар Брыла пажадаў прысутным моцнага здароўя, поспехаў, дабрабыту і мірнага неба над галавой.
Пасля завяршэння афіцыйнай часткі прайшлі дэманстрацыйныя выступленні, у тым ліку байцоў разведвальнай роты, было разыграна некалькі баевых эпізодаў. Напрыклад, правядзенне разведкі і штурма апорнага пункта супраціўніка, прымяненне БЛА для забеспячэння дзеянняў войскаў.