Міёрскі раённы выканаўчы камітэт

XI Міжнародны эканамічны форум «Інавацыі. Інвестыцыі. Перспектывы» ў Віцебску прайшоў у больш пашыраным фармаце ў параўнанні з мінулым годам, і ў наступным годзе яго праграму плануюць папоўніць прэзентацыйнымі пляцоўкамі замежных прадпрыемстваў. Аб гэтым, падводзячы вынікі мерапрыемства, паведаміла журналістам намеснік старшыні Віцебскага аблвыканкама Анжеліка Нікіціна. «Форум прайшоў вельмі пазітыўна, атмасфера на прэзентацыйнай пляцоўцы адкрытая, дыялагавая. Было шмат удзельнікаў секцый. Амаль 70 прадпрыемстваў далучыліся да форума ў рэжыме анлайн. Вельмі цесна абмяркоўваліся пытанні кааперацыі і інтэграцыі. Ужо ёсць пэўныя намеры па супрацоўніцтве ў частцы паставак харчовай, лёнатрасавай прадукцыі, дамоўленасці па пастаўках віцебскіх пад’ёмнікаў. На розных пляцоўках людзі зносіліся, абменьваліся кантактамі. І нават цяпер, у другі дзень форума, бачны водгук — прадстаўнікі расійскіх рэгіёнаў тэлефануюць, пытаюцца пра канкрэтныя прадпрыемствы. На дэманстрацыйную пляцоўку прыходзіць шмат моладзі, яна знаёміцца з адукацыйнымі ўстановамі, якія тут прадстаўлены. У цэлым госці і ўдзельнікі станоўча адгукнуліся пра арганізацыю такіх сумесных лакацый, дзе суседнічаюць прадпрыемствы і ВНУ, ССУЗы вобласці. Усе цікавяцца, дзе гатовяць кадры для тых ці іншых прадпрыемстваў і арганізацый, таму такі сімбіёз дае станоўчыя вынікі», — расказала Анжеліка Нікіціна.

Яна дадала, што замежныя госці былі захаплены ўдзелам у форуме. У наступным годзе арганізатары разлічваюць пашырыць фармат і размясціць побач з прамыслоўцамі Віцебшчыны прэзентацыйныя пляцоўкі прадпрыемстваў з розных краін, каб яны прадэманстравалі свой патэнцыял.

На завершальным мерапрыемстве ўручылі ўзнагароды 19 арганізацыям Віцебскай вобласці, якія сталі пераможцамі конкурсу «Лепшыя тавары Рэспублікі Беларусь» 2022 года. Званне лаўрэатаў гэтага конкурсу ўдастоены 34 тавары прадпрыемстваў паўночнага рэгіёна. Таксама ўзнагароды атрымалі прадстаўнікі моладзі за поспехі ў вучобе і ўдзел у розных конкурсах прафесійнай майстэрнасці і 8 прадпрыемстваў Віцебшчыны, якія па выніках работы мінулага года сталі лаўрэатамі прэміі аблвыканкама за дасягненні ў галіне якасці.

Крыніца: vitebsk-region.gov.by