Міёрскі раённы выканаўчы камітэт

У межах XI Міжнароднага эканамічнага форуму Віцебск наведала афіцыйная дэлегацыя горада Архангельска. Падчас візіту для госцяў правялі экскурсію па «Духаўскім кругліку», у выстаўнай зале прайшлі перамовы па развіцці супрацоўніцтва паміж гарадамі.

– Гэта сустрэча падкрэслівае важнасць эканамічных адносін. Віцебск і Архангельск звязваюць гісторыя гарадоў і краін, культурныя адносіны. Задумкі, планы і перспектывы для супрацоўніцтва ўжо вызначаны, бо спільных кропак вельмі шмат. У прыватнасці, у гэтым годзе Віцебск і Архангельск адначасова адзначаюць дні горада. Па гэтай нагодзе дэлегацыі гарадоў-пабрацімаў наведаюць абласны цэнтр і паўночны акруг, – адзначыў старшыня гарвыканкама Мікалай Арлоў.

Акрамя таго, што Віцебск з'яўляецца самым паўночным рэгіёнам Беларусі, а Архангельск лічаць сталіцай рускай Арктыкі, гарады падобныя па архітэктуры, колькасці насельніцтва: у горадзе на Дзвіне пражывае 350 тыс. чалавек, у Архангельску – 360 тысяч.

– Нашы сувязі ўжо дастаткова моцныя і трывалыя. За апошнія год-два тавараабарот паміж Архангельскай вобласцю і Беларусьсю вырас у некалькі разоў. Мы актыўна ўзаемадзейнічаем і працягваем умацоўваць партнёрства, развіваць эканамічныя і культурныя сувязі, – падкрэсліў кіраўнік гарадской акругі «Горад Архангельск» Дзмітрэй Марэў. – Сімвалічна, што знаёмства з Віцебскам пачалося падчас XI Міжнароднага эканамічнага форуму «Інавацыі. Інвестыцыі. Перспектывы». У Архангельску прадстаўлена шмат тавараў беларускай вытворчасці, пачынаючы ад прадукцыі лёгкай прамысловасці і заканчваючы прадуктамі харчавання. Дэлегацыя будзе вывучаць прадукцыю, якую прадстаўляюць вытворцы тавараў не толькі паўночнага рэгіёна, але і ўсёй краіны. З некаторымі прадпрыемствамі ўжо ўстаноўлены кантакты, якія дазволяць развіваць эканамічнае партнёрства, у тым ліку ў частцы закупкі спецыяльнай тэхнікі. Для сябе адзначыў, што ў рэгіёне моцна развітая спартыўная сфера, у гэтым напрамку таксама будзем працаваць, бо дзеці – наша будучыня.

Падчас урачыстага адкрыцця XI Міжнароднага эканамічнага форуму адбылося падпісанне пагаднення аб супрацоўніцтве паміж Віцебскам і Архангельскам.

Крыніца: vitebsk-region.gov.by