Міёрскі раённы выканаўчы камітэт

Прадпрыемствы Віцебскай вобласці з пачатку года паставілі ў рэгіёны Кітая прадукцыю па больш чым 10 таварных пазіцыях, паведамілі ў камітэце эканомікі Віцебскага аблвыканкама.

Каментуючы пастаўкі прадукцыі прадпрыемстваў паўночнага рэгіёна, спецыялісты адзначылі, што ў студзені – лютым вобласць паставіла ў КНР прадукцыю па 13 таварных пазіцыях. «У цячэнне года і да яго заканчэння гэтая номенклатура пашыраецца да 20. Рынак Кітая становіцца ўсё больш перспектыўным для беларускіх вытворцаў, у тым ліку прадпрыемстваў Віцебскай вобласці. Рост экспарту ў рэгіёны КНР набірае абароты», — падкрэслілі ў камітэце.

Асаблівым попытам карыстаюцца прадукты харчавання і сельскагаспадарчая сыравіна. Гаворка ідзе пра мяса птушкі, малочную сыроватку, сухія сняданкі, кандытарскія вырабы, лёна-валокна. Акрамя таго, у Паднябеснай патрабуюцца распрацаваныя ў беларускім паўночным рэгіёне прысадкі да змазачных алеяў, вырабы дрэваапрацоўкі, шкловалакно, фітынгі і лёнаніткі.

«Пандэмія аказала негатыўны ўплыў на актывізацыю міжрэгіянальнага супрацоўніцтва, і для нас сёння вельмі важна не толькі аднавіць кантакты, але і выйсці на новы ўзровень адносін. У Кітаі зняты каранцінныя абмежаванні, і мясцовыя партнёры з правінцый, з якімі ў нас заключаны дагаворы аб развіцці побратымскіх сувязей, запрошаны для ўдзелу ў мерапрыемствах XI Міжнароднага эканамічнага форуму „Інавацыі. Інвестыцыі. Перспектывы“, — дадалі ў камітэце.

Форум запланаваны на 18–19 мая ў Лятнім амфітэатры. Тут чакаюць дэлегацыі з правінцый Гуйчжоу, Гуандун, Хэйлунцзян, Цзянсі, Ціндаа, Шаньдун, Чжэнцзян. Як тлумчаць спецыялісты, супрацоўніцтва працягваецца дыстанцыйна ў анлайн-рэжыме. Вядучыя прадпрыемствы рэгіёнаў прапануюць адзін аднаму свае распрацоўкі і тэхналогіі.

Крыніца: vitebsk-region.gov.by