Медсавет: снегапад прынёс у Беларусь не толькі радасць зімовых забаў, але і небяспечныя траўмы пасля няўдалых катанняў на санках або цюбінгах

Для бяспечнага катання выконвайце шэраг правілаў:

*Катацца на цюбінгу трэба на спецыяльнай трасе – з выдзеленымі палосамі і дзе ўсе катаюцца строга па чарзе.

*Ватушка павінна быць не да канца напампаваная.

*На цюбінгу можа сядзець толькі адзін чалавек, трымаючыся за ручкі.

*Дрэвы, слупы, рака, трампліны, агароджы, праезная частка - гэтыя перашкоды прыводзяць да траўм.

*Правільная горка - гэта ачышчаны снежны схіл.

*Трампліны, счапленне санак і ватушак, прывязка да аўто - небяспечныя!

*Бацькі малых - выбірайце тую горку, якая не вельмі крутая і дзе няма дзяцей старэйшага ўзросту.

*Бацькі малых: калі на горцы натоўп - вядзіце дзіця на іншую горку.

*Выконвайце чарговасць, не спускайцеся з гары, пакуль унізе не вызвалілі дарогу.

*Вучыце дзіця правільна падаць - лепш перавярнуцца або заваліцца на бок, чым сутыкнуцца з дрэвам або іншымі санкамі.