Галоўнае пра новыя правілы добраўпарадкавання

Пастановай Савета Міністраў Рэспублікі Беларусь ад 16 мая 2025 г. № 267 скарэкціраваны Правілы добраўпарадкавання і ўтрымання населеных пунктаў. Адпаведныя змяненні ўнесены ў пастанову Урада Рэспублікі Беларусь ад 28 лістапада 2012 г. № 1087 «Аб зацвярджэнні Правілаў добраўпарадкавання і ўтрымання населеных пунктаў».

Пастанова распрацавана з мэтай аб'яднання намаганняў дзяржавы, арганізацый усіх форм уласнасці і грамадзян для навядзення парадку на зямлі, паляпшэння экалогіі, фарміравання эстэтыкі населеных пунктаў на ўсёй тэрыторыі краіны.

Так, сярод новаўвядзенняў у дачыненні да тэрыторый індывідуальнай забудовы і тэрыторый, замацаваных за грамадзянамі і суб'ектамі гаспадарання, – устаноўлены:

абавязкі па падтрыманні ў тэхнічна спраўным стане будынкаў, збудаванняў, гаспадарчых пабудоў і агароджаў, у тым ліку афарбоўка, рамонт, замена дэфармаваных, пашкоджаных асобных канструкцый і элементаў, забеспячэнне ўстойлівасці і цэласнасці агароджаў, недапушчэнне адхілення ад вертыкалі больш чым на 10 градусаў;
абавязкі па ўтрыманні будаўнічых матэрыялаў на тэрыторыі зямельнага ўчастка ў складзеным стане;
неабходнасць скошвання газонаў пры вышыні травянога покрыва больш за 20 см, уборкі тэрыторый ад будаўнічага і выпадковага смецця, выдалення сухой расліннасці не радзей двух разоў на год, рэгулявання распаўсюджвання і колькасці боршчавіку Сасноўскага і іншых відаў інвазіўных раслін;
вываз аб'ектаў расліннага свету, якія знаходзяцца ў неналежным, у тым ліку аварыйным, стане.

Таксама рэгламентаваны межы пасадкі насаджэнняў (дрэў, хмызнякоў) прымяняльна да сумежных зямельных участкаў:

высокарослых (дасягаючых у дарослым стане вышыні больш за 3 метры) – не менш за 3 метры;
сярэднерослых (дасягаючых у дарослым стане вышыні да 3 метраў) – не менш за 2 метры;
нізкарослых (дасягаючых у дарослым стане вышыні да 2 метраў) – не менш за 1 метр.

У зоне 1 метра да мяжы сумежнага зямельнага ўчастка дазваляецца размяшчэнне газона і раслін вышынёй не больш за 1 метр.

Што тычыцца земляў агульнага карыстання, то дакументам прадугледжана:

замацаванне абавязку забяспечваць своечасовую ўборку тэрыторыі ад снегу на адлегласці не менш за 1 метра ад пакінутага транспартнага сродку – у выпадку стаянкі на прыдамавых тэрыторыях транспартнага сродку за грамадзянамі і юрыдычнымі асобамі.

Памеры (межы) адпаведных тэрыторый пры прыцягненні грамадзян для выканання работ па падтрыманні належнага санітарнага стану ўстанаўліваюцца ад мяжы прадастаўленага грамадзяніну (які знаходзіцца ў яго) зямельнага ўчастка да тратуара (у выпадку яго адсутнасці – да мяжы праезнай часткі вуліцы, дарогі), па астатніх баках зямельнага ўчастка – не больш за 10 метраў або палову адлегласці разрыву да суседняга зямельнага ўчастка, але не больш за 10 метраў.

За парушэнне архітэктурнага рашэння фасада будынка або збудавання, а менавіта самавольнае пераабсталяванне, перафарбаванне або іншае змяненне балконаў, лоджый і іншых канструктыўных элементаў фасадаў жылых дамоў, іншых будынкаў і збудаванняў, устаноўка на фасадах, балконах, лоджыях, дахах спадарожнікавых і іншых антэн, а роўна непрыняцце мер па падтрыманні ў належным стане знешняга выгляду жылых дамоў, іншых будынкаў, збудаванняў і агароджаў прадугледжана адміністрацыйная адказнасць у адпаведнасці з арт. 22.9 Кодэкса Рэспублікі Беларусь аб адміністрацыйных правапарушэннях, што цягне за сабой накладанне штрафу ў памеры ад дзвюх да пятнаццаці базавых велічынь.

За парушэнне правілаў добраўпарадкавання і ўтрымання населеных пунктаў, а роўна невыкананне работ па падтрыманні належнага санітарнага стану на тэрыторыях земляў агульнага карыстання населеных пунктаў, у тым ліку на прылеглых да прадастаўленых грамадзянам (якія знаходзяцца ў іх) зямельных участках тэрыторыях, прадугледжана адміністрацыйная адказнасць у адпаведнасці з арт. 22.10 Кодэкса Рэспублікі Беларусь аб адміністрацыйных правапарушэннях, што цягне за сабой накладанне штрафу ў памеры да дваццаці пяці базавых велічынь.