Ліфт – не месца для гульняў!

Зусім хутка наступяць летнія канікулы, і ў дзяцей з'явіцца больш вольнага часу. Менавіта ў гэты час дваровыя пляцоўкі, пад'езды і нават часам ліфты становяцца месцам для гульняў дзяцей. А паколькі ліфты ёсць у кожным доме вышынёй больш за 5 паверхаў, такіх месцаў для гульняў можа аказацца дастаткова шмат. Акрамя гэтага, ліфты ёсць у гандлёвых цэнтрах, офісных і вытворчых будынках, у паліклініках і бальніцах. Ліфты толькі на першы погляд здаюцца простым прыстасаваннем, аднак гэта далёка не так. Ліфт з'яўляецца дастаткова складаным грузапад'ёмным механізмам, і пры яго выкарыстанні неабходна выконваць пэўныя правілы.

Паважаныя бацькі! Нагадайте вашым дзецям аб неабходнасці выканання Правілаў карыстання ліфтам. Яны вывешаны на асноўнай пасадачнай пляцоўцы і ў кабіне ліфта. Тут жа можна знайсці нумар тэлефона абслугоўваючай арганізацыі і аварыйнай службы. Гэтыя тэлефоны неабходныя ў выпадку ўзнікнення незразумелых або нештатных сітуацый. Таксама кабіны ліфта абсталяваны сістэмай сувязі з дыспетчарскай службай.

Веданне правілаў карыстання ліфтам дапаможа дзіцяці пазбегнуць трапляння ў аварыйную сітуацыю, а ў выпадку неабходнасці правільна дзейнічаць у сітуацыі, якая склалася.

Напрыклад, не варта перагружаць ліфт, балавацца, скакаць падчас руху ліфта. Да абсталявання ліфта неабходна ставіцца беражліва. Адсутнасць асвятлення на пасадачнай пляцоўцы любога паверха будынка з'яўляецца парушэннем патрабаванняў правілаў бяспекі. У гэтым выпадку грамадзяне могуць самастойна паведаміць пра гэта дыспетчару па сістэме сувязі. Сувязь з дыспетчарскім пунктам падтрымліваецца пастаянна, у любы час сутак, а дыспетчар абавязаны прыняць заяўку.

Перад тым як увайсці ў адчыненыя дзверы, варта пераканацца, што перад вамі кабіна, а не зіхатлівая пустата шахты.

Яшчэ адным з часта сустракаемых парушэнняў з'яўляецца перавозка дзіцяці ў калясцы ў пасажырскім ліфце! Памятайце! Так рабіць нельга. Дзіцяці неабходна ўзяць на рукі. Дарослы павінен першым уваходзіць у кабіну ліфта, а потым закочваць каляску і заводзіць дзяцей. Дзеці дашкольнага ўзросту не павінны самастойна карыстацца ліфтамі, толькі ў суправаджэнні дарослых.

Уваходзіць у ліфт варта не спяшаючыся, націскайце кнопку патрэбнага паверха толькі пры ўмове канчатковай пагрузкі ўсіх жадаючых скарыстацца ліфтам, размяркоўваючы нагрузку па ўсёй плошчы кабіны ліфта.

 

Не варта спрабаваць самастойна выбірацца з кабіны ліфта, які спыніўся паміж паверхамі. Гэта можа прывесці да падзення ў шахту ліфта з самымі сумнымі наступствамі. У гэтым выпадку звяжыцеся з дыспетчарам і дачакайцеся дапамогі спецыялістаў.

Не варта спрабаваць карыстацца ліфтам падчас пажару, альбо падчас навальніцы, у любы момант можа адключыцца электраэнергія і ліфт спыніцца. А гэта ў сваю чаргу дадатковыя страты часу. Бо для вашага вызвалення з кабіны ліфта ў дадзенай сітуацыі патрабуецца ўмяшанне абслуговага персаналу.

Паважаныя грамадзяне! Пагаварыце з дзецьмі аб неабходнасці выканання Правілаў карыстання ліфтам і не дапускайце парушэнняў самі. Беражыце ліфт! Карыстайцеся ім толькі па прызначэнні, і ён будзе вашым памочнікам доўгія гады!