ІМНС інфармуе
1. Да ўвагі індывідуальных прадпрымальнікаў!
У адпаведнасці з часткай першай артыкула 12 Закона Рэспублікі Беларусь ад 22.04.2024 № 365-З «Аб змяненні законаў па пытаннях прадпрымальніцкай дзейнасці» (далей – Закон) індывідуальны прадпрымальнік мае права працягнуць ажыццяўленне відаў дзейнасці, не ўключаных у Пералік відаў дзейнасці, дазволеных для ажыццяўлення ў якасці індывідуальнага прадпрымальніка, зацверджаны Пастановай Савета Міністраў Рэспублікі Беларусь ад 28.06.2024 № 457 (далей – Пералік) па 31 снежня 2025 г.
Прадпрымальніцкая дзейнасць, якая ажыццяўляецца з парушэннем вышэйуказаных патрабаванняў, з'яўляецца незаконнай.
Такім чынам, для працягу ажыццяўлення ў 2026 годзе відаў дзейнасці, не ўключаных у Пералік, індывідуальны прадпрымальнік мае права стварыць камерцыйную арганізацыю ў парадку, вызначаным Палажэннем аб стварэнні індывідуальным прадпрымальнікам камерцыйнай арганізацыі, заснаванай адной асобай (дадатак да Закона).
Для прадстаўлення дакументаў на дзяржаўную рэгістрацыю камерцыйнай арганізацыі магчыма зварот да натарыуса.
Таксама, калі ажыццяўляемы від дзейнасці не ўключаны ў Пералік, індывідуальны прадпрымальнік мае права спыніць дзейнасць або выбраць іншы від дзейнасці, які ўвайшоў у Пералік.
Інспекцыя МПЗ па Полацкім раёне
2. Аб выкарыстанні тэрміналаў
З мэтай рэалізацыі правоў пакупніка на разлік за набытыя тавары, работы, паслугі ў безнаяўным парадку ў перыяд адсутнасці касавага абсталявання па прычыне правядзення работ па яго дапрацоўцы дапускаецца прымаць плацяжы ад пакупнікоў з выкарыстаннем картачных плацежных тэрміналаў або плацежных тэрміналаў, якія забяспечваюць фарміраванне плацежнага дакумента. Пры правядзенні разліку праз тэрмінал афармленне дакумента з пэўнай ступенню абароны не патрабуецца.
Дадзенае правіла не прымяняецца пры пасажырскіх перавозках аўтамабілямі – таксі!
Інспекцыя МПЗ па Полацкім раёне
3. Сервісы ў дапамогу
На сайце Міністэрства па падатках і зборах функцыянуе сэрвіс «Пытанне-адказ» (https://nalog.gov.by/question-answer/), дзе можна знайсці адказы на самыя актуальныя пытанні па падаткаабкладанні, па маркіроўцы тавараў, па пытаннях выкарыстання касавага абсталявання.
Тэматычныя падборкі матэрыялаў па пытаннях выкарыстання касавага абсталявання, у тым ліку яго дапрацоўцы (замене), па прадастаўленні звестак падатковым агентам, па дэклараванні даходаў фізічных асоб, па новых аспектах прадпрымальніцкай дзейнасці, а таксама адказы на пытанні па адпаведных тэмах можна знайсці на галоўнай старонцы сайта МПЗ (https://nalog.gov.by/) у раздзеле «Актуальнае».
Інспекцыя МПЗ па Полацкім раёне
4. Аб падаткаабкладанні даходаў ад рэалізацыі расады
Даходы ад рэалізацыі расады сельскагаспадарчай прадукцыі (акрамя прадукцыі кветаводства) вызваляюцца ад выплаты падаходнага падатку пры наяўнасці даведкі мясцовага выканаўчага і распарадчага органа ўстаноўленай формы, якая пацвярджае, што рэалізуемая прадукцыя вырашчана плацельшчыкам і (або) асобамі, якія знаходзяцца з ім у адносінах блізкай роднасці або свойства, апекуна, папячыцеля і падапечнага, на зямельным участку, прадастаўленым плацельшчыку і (або) указаным асобам для будаўніцтва і (або) абслугоўвання аднакватэрнага жылога дома, зарэгістраванай арганізацыяй па дзяржаўнай рэгістрацыі кватэры ў блакіраваным жылым доме, вядзення асабістай падсобнай гаспадаркі, сенакосу і выпасу сельскагаспадарчых жывёл, садаводства, дачнага будаўніцтва, агародніцтва, у выглядзе службовага зямельнага надзелу.
За даведкай варта звяртацца ў мясцовы выканаўчы і распарадчы орган па месцы знаходжання зямельнага ўчастка.
Даходы ад рэалізацыі расады кветак не падлягаюць вызваленню ад падаткаабкладання. Прадаваць яе з такой жа даведкай могуць плацельшчыкі адзінага падатку або падатку на прафесійны даход.
Інспекцыя МПЗ па Полацкім раёне
5. Аб даходах, атрыманых у 2024 годзе, справаздачу ў падатковы орган трэба падаць не пазней 31 сакавіка 2025 года
Прадставіць падатковую дэкларацыю па падаходным падатку можна асабіста шляхам наведвання любога падатковага органа. Прыём дэкларацый у інспекцыі МПС па Полацкім раёне ажыццяўляецца:
- у панядзелак з 8.00 да 19.00 без абедзеннага перапынку,
- у чацвер з 8.00 да 20.00 без абедзеннага перапынку,
- у іншыя працоўныя дні – з 8.00 да 17.00 (абедзенны перапынак з 13.00 да 14.00),
- у суботу 29 сакавіка 2025 года з 9.00 да 13.00.
Адрасы інспекцыі МПС па Полацкім раёне: г. Полацк, вул. Свярдлова, 9; г. Браслаў, вул. Савецкая, 119 (упраўленне па рабоце з плацельшчыкамі па Браслаўскім раёне); г. Міёры, вул. Камуністычная, 8 (аддзел па рабоце з плацельшчыкамі па Міёрскім раёне).
Падаць дэкларацыю можна таксама ў электронным выглядзе праз Асабісты кабінет плацельшчыка або адправіць па пошце запоўненую на паперы форму.
Інспекцыя МПС па Полацкім раёне