ІМНС інфармуе
1. З 01.02.2025 на тэрыторыі Віцебскай вобласці уводзіцца збор за перасячэнне мяжы.
Кіроўцы транспартных сродкаў, якія належаць арганізацыям або фізічным асобам (уключаючы ІП), якія маюць не менш за чатыры колы, масай не больш за 5 тон (акрамя трактароў і самаходных машын), выплачваюць збор за перасячэнне мяжы з мэтай выезду з Рэспублікі Беларусь у памеры 1 базавай велічыні (42 рублі). Пры выездзе ў пунктах пропуску неабходна прад'яўляць дакумент аб аплаце збору (пры дыстанцыйнай аплаце – карт-чэк, сфарміраваны на папяровым носьбіце або ў электронным выглядзе). Суб'екты гаспадарання сумы выплачанага збору маюць права ўлічваць пры падаткаабкладанні прыбытку (даходаў) у складзе затрат (расходаў).
Ільготы па выплаце збору прадугледжаны рашэннем Віцебскага абласнога Савета дэпутатаў ад 30.12.2024 №69 «Аб мясцовым зборы».
Інспекцыя МПЗ па Полацкім раёне
2. Аб рэалізацыі суб'ектамі гаспадарання тавараў, вырабленых фізічнымі асобамі, якія ажыццяўляюць самастойную прафесійную дзейнасць.
Вырабленыя ў рамках самастойнай прафесійнай дзейнасці фізічнымі асобамі элементы дэкору адзення, біжутэрыя, кашалькі, пальчаткі, рамяні, чахлы для тэлефонаў, вясельныя аксэсуары, вітражы, мыла, свечкі, кветкі і кампазіцыі (за выключэннем кампазіцый з жывых кветак), сельскагаспадарчы і садова-агародны інструмент, збудаванні і прыналежнасці для ўтрымання птушак, жывёл, пчол, а таксама хлебабулачных і (або) кандытарскіх вырабаў, гатовай кулінарнай прадукцыі могуць быць рэалізаваны спажыўцам як самімі фізічнымі асобамі на гандлёвых месцах, кірмашах і (або) у іншых устаноўленых мясцовымі выканаўчымі і распарадчымі органамі месцах, на арэндаваных плошчах у гандлёвых аб'ектах, гандлёвых цэнтрах, у іншых аб'ектах, з выкарыстаннем глабальнай камп'ютарнай сеткі Інтэрнэт, так і шляхам заключэння з юрыдычнымі асобамі і індывідуальнымі прадпрымальнікамі дагавораў камісіі, даручэння або іншых аналагічных грамадзянска-прававых дагавораў з мэтай рэалізацыі гэтых тавараў спажыўцам.
Так, суб'екты гаспадарання маюць права рэалізоўваць у розніцу вырабы (тавары, прадукцыю), вырабленыя фізічнымі асобамі, якія ажыццяўляюць названую дзейнасць, у межах пасрэдніцкіх дагавораў.
Інспекцыя МПЗ па Полацкім раёне
3. Суб'ектам гаспадарання, якія дапусцілі запазычанасць па падатках.
Плацельшчык, у якога ўзнікла запазычанасць па падатках, зборах (пошлінах), пенях і іншых плацяжах у бюджэт, а таксама запазычанасць па штрафах за адміністрацыйныя правапарушэнні ў галіне прадпрымальніцкай дзейнасці і супраць парадку падаткаабкладання, абавязаны забяспечваць залічэнне выручкі ад рэалізацыі тавараў (работ, паслуг), маёмасных правоў, а таксама пазарэалізацыйных (іншых) даходаў на свае бягучыя (разліковыя) банкаўскія рахункі з дня ўтварэння такой запазычанасці да поўнага яе пагашэння. Вышэйназванае патрабаванне не распаўсюджваецца на запазычанасць, па якой прадастаўлена адтэрміноўка (растэрміноўка).
Парушэнне дадзенага абавязку цягне адміністрацыйную адказнасць у выглядзе штрафу ў памеры да 50 базавых велічынь (арт.14.9 КоАП).
Інспекцыя МПЗ па Полацкім раёне