Спецыяльнае комплекснае мерапрыемства «Увага – дзеці!» стартуе ў краіне з 25 жніўня і працягнецца да 5 верасня

Мэта мерапрыемства – прафілактыка дзіцячага дарожна-транспартнага траўматызму.

Ззаду лета, паступова дзеці вяртаюцца з месцаў адпачынку і сельскай мясцовасці ў горад. Адвыкнуўшы ад інтэнсіўнага руху, яны нямала трапляюць у цяжкія сітуацыі на дарозе. Разам з тым няўмольная статыстыка нагадвае: самым небяспечным па рызыцы здзяйснення дарожных здарэнняў з удзелам дзяцей з'яўляецца жнівень. Дзяржаўтаінспекцыя пераканаўча заклікае бацькоў забяспечыць бяспечную перавозку дзяцей. Дзіця ў аўтамабілі павінна знаходзіцца ў спецыяльным утрымліваючым устройстве, якое адпавядае яго вазе і росту. Аўтакрэсла або бустэр неабходна правільна ўсталяваць у аўтамабілі. Дзеці старэйшыя за 12 гадоў павінны быць прышпілены стандартнымі рамянямі бяспекі. Таксама варта нагадаць юным пешаходам і веласіпедыстам правілы бяспечных паводзін, у тым ліку ў двары, кантраляваць вольны час падлеткаў, не пакідаць ключы ад аўтамабіляў і мотатранспарту ў вольным доступе.

Паважаныя бацькі! Нагадайце юным удзельнікам руху, што нельга рэзка выходзіць або выбягаць на дарогу з-за прыпаркаваных аўтамабіляў, дрэў, хмызнякоў, збудаванняў, нават калі дарога знаходзіцца на прылеглай да жылой забудовы тэрыторыі. Перш чым дзіця ступіць на праезную частку, яно павінна спыніцца і агледзецца, пераканацца, што паблізу няма аўтамабіляў, якія рухаюцца ў яго бок.

Вельмі небяспечна абыходзіць паркаваны аўтамабіль у непасрэднай блізкасці ад яго, таму што з-за малога росту дзеці могуць быць не бачныя кіроўцу. Катацца на роліках і скейтбордах можна толькі ў двары, скверы або парку, на спецыяльных асфальтавых і бетонных пляцоўках, дарожках, алеях, але абавязкова далёка ад транспартных сродкаў і вялікага збору пешаходаў. Дзіцяці да 14 гадоў забаронена выязджаць на дарогу агульнага карыстання на веласіпедзе і да 16 гадоў – садзіцца за руль мопеда.

Кіроўцам варта ведаць: 70% ДТЗ з удзелам дзяцей адбываецца па віне дарослых. Так што, убачыўшы дзяцей каля праезнай часткі, зніжайце хуткасць і будзьце гатовыя ў любы момант спыніцца. У дварах рухайцеся з мінімальнай хуткасцю.

У дні правядзення СКМ, згодна з пунктам 166.9 ПДР, кіроўцы абавязаны перамяшчацца ў светлы час сутак з уключаным на транспартным сродку блізкім святлом фар або дзённымі хадавымі агнямі. За невыкананне гэтага патрабавання ПДР прадугледжана адміністрацыйная адказнасць па ч.3 арт. 18.13 КоАП Рэспублікі Беларусь.

30 жніўня супрацоўнікамі Дзяржаўтаінспекцыі будзе праведзены Адзіны дзень бяспекі дарожнага руху пад назвай «У новы навучальны год – бяспечных усім дарог!», накіраваны на прафілактыку дзіцячага дарожна-транспартнага траўматызму перад пачаткам навучальнага года. ДАІ заклікае кіроўцаў быць максімальна ўважлівымі пры праездзе паблізу дзіцячых устаноў, нерэгулюемых пешаходных пераходаў, прыпынкаў грамадскага транспарту і ў дварах.

Начальнік АДАІ АУС Міёрскага райвыканкама А.Ф.Савейка