Сусветны дзень без тытуню

Сёлета медыцынскія работнікі і актывісты з усяго свету зноў аб'яднаюць свае намаганні для інфармавання грамадскасці пра згубны ўплыў тытунёвай індустрыі. Курэнне – гэта не проста шкодная звычка, гэта глабальная эпідэмія, якая забірае штогод да 6 мільёнаў жыццяў, больш за 600 тысяч з якіх з'яўляюцца ахвярамі пасіўнага курэння. Сусветны дзень без тытуню дае магчымасць заклікаць усіх адмовіцца ад прапаганды і маркетынгу тытунёвых вырабаў ва ўсім свеце. Спажыванне тытуню працягвае заставацца адной з самых сур'ёзных пагроз здароўю насельніцтва планеты. Лёгкія – гэта той орган, які найбольш пакутуе ад курэння. Раніца кожнага курца пачынаецца з душэўнага кашлю, які суправаджаецца адхаркваннем серабрыстай, брудна-карычневай мокроты. Далей, калі не адмовіцца ад курэння, то гэтая згубная звычка можа прывесці да эмфізэмы лёгкіх, бранхіяльнай астмы, хранічнай абструктыўнай хваробы лёгкіх. Устаноўлена, што небяспека захварэць на рак значна вышэйшая ў заўзятых курцоў і тых, хто рана пачаў паліць. Курэнне правакуе развіццё розных формаў раку ў чалавека: рак лёгкага, стрававода, гартані, страўніка, шыйкі маткі і інш. Сёння кантынгент хворых на рак лёгкага моцна памаладзеў – віной таму ранні ўзрост, з якога дзеці і падлеткі пачынаюць паліць. Апошнім часам увесь свет ахапіў новы трэнд – ужыванне электронных сістэм дастаўкі нікаціну (ЭСДН, вейпы). Паказчыкі ўжывання электронных цыгарэт сярод дзяцей ва ўсіх рэгіёнах вышэйшыя, чым сярод дарослых. Аднак, гэта не так. Сёння ва ўсім свеце курэнне лічыцца антыграмадскай звычкай, мільёны людзей імкнуцца прытрымлівацца здаровага ладу жыцця і кідаюць паліць, бо гэта стала модна. Па ўсіх пытаннях лячэння нікацінавай залежнасці можна звяртацца да ўрача-псіхіятра-нарколага па месцы жыхарства або ў УАЗ «Віцебскі абласны клінічны цэнтр псіхіятрыі і наркалогіі» (тэл. 61-45-76, 61-45-80).

Галоўны ўрач ДУ"Міёрскі РЦГЭ" Г.В.Федуковіч