«Святло незгаснае» — так называецца экспазіцыя работ удзельнікаў Міжнароднага гуманітарнага пленэрна-выставачнaга праекта «Руская Атлантыда», якая пачне сваю працу з 25 красавіка 2024 года ў канферэнц-зале Міёрскай цэнтральнай раённай бібліятэкі

На маляўнічых палотнах намаляваны старажытныя праваслаўныя храмы і манастыры, дзівосная архітэктура малых гарадоў і цудоўная прырода.

Адбор для ўдзелу ў Міжнародным праекце праходзяць толькі прафесійныя мастакі. Арганізацыйнае і мастацкае кіраўніцтва праектам ажыццяўляюць Чалец-карэспандэнт Расійскай акадэміі мастацтваў, Дзейсны чалец Пятроўскай акадэміі навук і мастацтваў, Народны мастак Расіі Людміла Юга, чалец Міжнароднай Асацыяцыі мастацтвазнаўцаў, кандыдат эканамічных навук Ірына Дашэўская і аўтар-кіраўнік праекта, Дзейсны чалец Пятроўскай акадэміі навук і мастацтваў, Заслужаны работнік культуры Расійскай Федэрацыі Віталь Васільеў.

Арганізатарамі і партнёрамі праекта «Руская Атлантыда» было праведзена больш за 120 пленэраў, а таксама каля 140 тэматычных выстаў і майстар-класаў у Мінску, Полацку, Докшыцах, Глыбокім (Беларусь), Маскве і Санкт-Пецярбургу (Расія), Ламбардзіі, Лігурыі і Базілікаце (Італія), у Бадэн-Бадэне і Бадэнвайлеры (Германія), Чэнаі, Мумбаі і Нью-Дэлі (Індыя), Раджастане і Заходняй Бенгаліі, а таксама на іншых вядомых пляцоўках.

У праекце былі заняты больш за тысячу ўдзельнікаў з 19 краін свету. Свой уклад у пленэрную дзейнасць праекта ўнеслі і мастакі з Беларусі.

Праваслаўная вера, традыцыі і навакольны нас Боскі свет нават скрозь стагоддзі здольныя як стваральныя сілы па-сапраўднаму ўзвышаць чалавека на новыя ўзроўні духоўнага ўдасканалення, даваць яму ежу для новых і новых філасофскіх разважанняў, узвышаць і надзяляць яго творчым патэнцыялам.

Выстава – гэта яшчэ адзін важны крок да ўмацавання дружалюбных адносін паміж народамі Расіі і Беларусі праз агульныя каштоўнасці і культуру.

Для навучэнцаў Міёрскай дзіцячай школы мастацтваў правядзе майстар-клас выкладчык Мінскага дзяржаўнага мастацкага каледжа імя А. К. Глебава, лаўрэат Нацыянальнага конкурса «Мастацтва кнігі» ў намінацыі «Майстэрства», мастак-графік, ілюстратар Святлана Рыжыкава.

Арганізацыя выставы «Святло незгасальнае» ажыццёўлена па ініцыятыве кіраўніцтва Міёрскага раённага выканаўчага камітэта і прадстаўнікоў Усерасійскай грамадскай арганізацыі «Расійскі Клуб Праваслаўных Мецэнатаў», пры падтрымцы Цвярскога рэгіянальнага аддзялення «Саюза праваслаўных прадпрымальнікаў», Расійскага Фонду Міру і Еўразійскага дзелавога клуба.

Расійскі Клуб Праваслаўных Мецэнатаў